Overlege ortopedi

Kirurgisk avdeling ved Stord sjukehus er ein del av Helse Fonna, ein sentral del av spesialisthelsetenesta i Sunnhordland og gir tilbod innan ortopedi, generell kirurgi og gastrokirurgi. Lokalsjukehuset har eit aktivt og engasjert fagmiljø der samarbeid på tvers av faggrupper står sentralt.

Den ortopediske seksjonen behandlar både akutte og elektive pasientar og har eit breitt behandlingstilbod innan frakturkirurgi, protesekirurgi, handkirurgi, artroskopisk kirurgi og poliklinisk verksemd. Seksjonen har òg ei viktig rolle innan diagnostikk, behandling og oppfølging av pasientar med samansette sårproblem, i tett samarbeid med primærhelsetenesta og andre fagmiljø i sjukehuset.

Stord sjukehus er kjenneteikna av korte beslutningsvegar, godt kollegialt samarbeid og høg grad av sjølvstende. Som overlege hos oss får du ein variert arbeidskvardag med nær kontakt med pasientane og gode moglegheiter til å påverke både fagleg utvikling, organisering av tenesta og utdanning av LIS-legar.

Vi arbeider kontinuerleg med kvalitetsforbetring, pasienttryggleik og utvikling av framtidas ortopediteneste. For den rette kandidaten vil det vere gode moglegheiter til å bidra i vidareutvikling av både proteseverksemd, sårbehandling og andre fagområde innan ortopedi.

Ein deltek i ortopedisk vaktteneste, for tida 4-delt bakvakt. 

Arbeidsoppgåver

• Utgreiing og behandling av ortopediske pasientar.
• Poliklinisk verksemd.
• Operativ verksemd innan generell ortopedi.
• Deltaking i ortopedisk bakvaktsordning.
• Visitt og oppfølging av inneliggande pasientar.
• Rettleiing og supervisjon av LIS-legar.
  
• Utgreiing og behandling av pasientar med akutte og kroniske sår.
• Tverrfagleg samarbeid kring sårpasientar.
• Rettleiing av helsepersonell innan sårbehandling og sårførebygging.
• Bidra i fagutvikling, kvalitetsarbeid og pasienttryggleik.
• Delta i undervisning og kompetansebygging i avdelinga.

Kvalifikasjonar

Må-krav:

• Norsk autorisasjon som lege.
• Godkjend spesialist i ortopedisk kirurgi.
• Brei erfaring innan generell ortopedi og traumekirurgi.
• Kompetanse til å inngå i ortopedisk bakvaktsordning.
• Gode norskkunnskapar, både skriftleg og munnleg. 

Ønskjelege kvalifikasjonar:

• Dokumentert erfaring med primær hofteprotesekirurgi.
• Erfaring med preoperativ vurdering og postoperativ oppfølging av protesepasientar.
• Erfaring med rettleiing og supervisjon av LIS-legar.
• Erfaring frå eller interesse for avansert sårbehandling.
• Interesse for kvalitetsforbetring og pasienttryggleik.
• Kompetanse innan behandling av kroniske sår, postoperative sårkomplikasjonar og tverrfagleg sårarbeid.

Personlege eigenskapar

Vi legg vekt på at du

• har gode samarbeidsevner
• er fagleg engasjert og utviklingsorientert
• arbeider strukturert og sjølvstendig
• bidreg til eit godt arbeidsmiljø
• har fokus på kvalitet og pasienttryggleik
• får frem det beste i laget rundt deg

Vi tilbyr

• Eit godt og inkluderande arbeidsmiljø.
• Spennande faglege utfordringar.
• Moglegheit til å påverke utviklinga av ortopeditenesta ved Stord sjukehus.
• Gode moglegheiter for fagleg utvikling og kurs.
• Løn etter gjeldande avtalar.
• God pensjonsordning gjennom KLP.
• Eit meiningsfylt arbeid som gjev personleg utvikling.

Stord sjukehus – tett på pasienten, tett på naturen og tett på kollegaene. Som overlege ved ortopedisk seksjon får du høve til å kombinere eit spennande fagleg arbeid med gode moglegheiter for friluftsliv og familieliv i Sunnhordland.

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.