Bedriftslege/arbeidsmedisiner

Vi søkjer ein bedriftslege i minimum 30% og opptil 50% fast stilling ved bedriftshelsetenesta (BHT) i Helse Fonna. Stillinga passar både for deg som er spesialist i arbeidsmedisin, og for deg som ønskjer å utvikle deg innan fagområdet.

Hos oss blir du ein del av eit tverrfagleg fagmiljø som arbeider for trygge, sunne og helsefremmande arbeidsplassar. BHT/HMS er ei intern teneste i Helse Fonna og er organisert under HR med 38 medarbeidarar. I avdelingen BHT/HMS er vi 6 medarbeidere som mellom anna jobbar med arbeidsmedisin, fysisk og kjemisk arbeidsmiljø, psykososialt og organisatorisk arbeidsmiljø, ergonomi, smittevern og systematisk HMS-arbeid.

Som bedriftslege får du ei viktig rolle i det førebyggande arbeidsmiljøarbeidet. Du får samarbeide med ulike faggrupper og blir ein del av eit fagleg nettverk med bedriftslegar i Helse Vest og nasjonalt.

Arbeidsoppgåver

• Gi arbeidsmedisinsk rådgiving og bidra i det systematiske HMS-arbeidet.
• Gi råd om nærværsfremmande tiltak, sjukefråværsoppfølging og tilrettelegging.
• Leie relevante prosessar og prosjekt.
• Ha ansvar for at det medisinske arbeidet i BHT er i samsvar med faglege reglar og normer.
• Planlegge og gjennomføre målretta helsekontrollar og yrkesvaksinasjonar.

Kvalifikasjonar

• Norsk autorisasjon som lege og gjennomført turnusteneste/LIS1.
• Du har fullført spesialisering i arbeidsmedisin, er i gang med spesialisering eller har relevant erfaring innan fagområdet.
• Gode norskkunnskapar, både munnleg og skriftleg.
• Kompetanse innan førebyggande arbeidsmiljøarbeid og interesse for arbeidsmiljøarbeid i komplekse organisasjonar.
• God kjennskap til arbeidsmiljølova, forskrifter og anna relevant lovverk.

Personlege eigenskapar

Vi ser etter deg som:

• samarbeider godt med andre og trivst med tverrfagleg arbeid
• kommuniserer tydeleg og formidlar medisinsk kunnskap på ein forståeleg måte
• arbeider systematisk og målretta
• har gode analytiske evner og kan vurdere samansette problemstillingar 

Vi legg vekt på personlege eigenskapar.

Vi tilbyr

• Ei variert og sjølvstendig stilling med fleksibel arbeidstid.
• Eit inkluderande og tverrfagleg arbeidsmiljø med høg fagleg kompetanse.
• Deltaking i faglege nettverk med bedriftslegar i Helse Vest og nasjonalt.
• Gode pensjons- og forsikringsordningar.

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.