Fastlegevikariat ledig i Giske kommune 

Giske kommune har ledig fastlegevikariat med listestorleiek 625. Oppstart 1.9.2026.

Kommunen søker tilskott frå Helsedirektoratet for midlar til ALIS-avtale som vil kompensere utgifter og tapte inntekter knytt til spesialisering for LIS3.

Praksis ved Giske kommunale legesenter, lokalisert på Valderøya. Gruppepraksis med 11 fastlegar og ein LIS1. Senteret er velorganisert og har fokus på godt arbeidsmiljø og samarbeid. Det er tilsett avdelingsleiar med ansvar for alt administrativt. Stabilt og velfungerande hjelpepersonell. Journalsystemet er Infodoc Plenario.

Fastlegevikaren arbeider som sjølvstendig næringsdrivande. Legesenteret blir drifta av Giske kommune. Legen inngår avtale om økonomisk samarbeid (8.2-avtale) med kommunen.

Det er ikkje knytt kommunal deltidsstilling til fastlegeheimelen per i dag, men det kan bli aktuelt med 10 % stilling som tilsynslege på sjukeheim.

Deltaking i 10-delt legevakt kveld og helg ved Giske legevakt. Deltaking i interkommunal nattlegevakt i Ålesund med minimum 5 nattevakter i året.

I tillegg til formell kompetanse blir personlege eigenskapar og at ein er skikka for stillinga vektlagt.

Arbeidsoppgåver

• Kurativt arbeid som fastlegevikar i medhald av fastlegeforskrifta.
• Helsefremmande og førebyggande arbeid.
• Tverrfagleg samarbeid.
• Deltaking i legevakt.

Kvalifikasjonar

• Autorisasjon som lege, helst med erfaring frå allmennmedisin.
• Oppfyller kompetansekrav for legar i kommunen. http://lovdata.no/dokument/SF/forskrift/2017-02-17-192
• Gode norskkunnskapar, både munnleg og skriftleg.
  
• God digital kompetanse.

Personlege eigenskapar

• God på kommunikasjon og samarbeid.
• Evne til initiativ og til å vere fleksibel og løysingsorientert.
• Evne til å arbeide strukturert og målretta.

Andre opplysningar:

• Det er krav om gyldig politiattest av ny dato.
• Søkjar bør ha sertifikat og kunne disponere eigen bil.
• Dokumentasjon på utdanning skal sendast i lag med søknaden.
  

Vi tilbyr

• Spanande arbeidsoppgåver
• Gode kolleger og hyggeleg arbeidsmiljø
• God fagleg støtte og rettleiing for uerfarne legar