Næringsdrivande fastlege

Ein fastlegeheimel knytt til Sæthre legekontor er ledig frå hausten  2026.

Listetak: 1000 pasientar.
Sæthre legekontor består i dag av ein heimel som vert drifta som deleliste.

Legekontoret er i prosess med å utvide med to heimlar, og skal flytte til nybygde lokalar, med tentativ oppstart i oktober -26.  Lokala ligg særs sentralt plassert i Voss sentrum, med god tilgang på parkering, og nærheit til alt Vossevangen har å tilby.

Me gler oss stort til å kunne utvide praksisen med nye kollegaer.
Me kan tilby eit arbeidsmiljø med fokus på trivsel, kvalitet, autonomi, og gode pasientforløp.  Du får høve til å være med frå start i oppbygging av ny praksis, og du vil ha innflytelse på drift, rutinar og fagleg profil.  På fritida har du tilgang til noko av det beste vestlandsnaturen har å tilby, i tillegg til eit rikt lags- og kulturliv. 
Legekontoret nyttar Infodoc i sky som journalsystem. Til heimlar inngår deltaking i interkommunal legevakt.  Me vil kunne tilby rettleiing av legar i spesialisering. 

Heradet har ordning med styrka basistilskot for næringsdrivande fastlegar, det er og tilrettelagt for fri etter nattevakt med kompensasjon etter legeforeininga sine satsar.  Voss herad har dei siste åra fritatt næringsdrivande fastlegar for tilplikting  til kommunal bistilling og daglegevakt. Heimel vil kunne overtakast utan vederlag. Ein er sjølv ansvarleg for møblering / utstyr til eige kontor. Fellesutgifter til drift av kontor (støttepersonell, journalsystem, leige mm.) vert dekka i fellesskap etter nærmare avtale.

Ønsker du informasjon om økonomiske vilkår kan du gjerne ta kontakt med Jacob Ortega Sæthre.