Overlege i indremedisin med spesialisering i gastroenterologi eller kardiologi

Medisinsk seksjon ved Nordfjord sjukehus søkjer overlege i indremedisin med spesialisering i gastroenterologi eller kardiologi.

Nordfjord sjukehus er eit av tre sjukehus i Helse Førde.

Medisinsk seksjon ved Nordfjord sjukehus har fire overlegestillingar og seks LIS1 i normal drift. Medisinsk sengepost dekkjer medisinsk akuttfunksjon for pasientar i Nordfjord-regionen i samarbeid med dei andre sjukehusa i Helse Førde. 

Seksjonen har ein sengepost med 16 senger, inkludert3 observasjonssenger. Vi driftar også dagbehandling for dialyse og fleire ulike poliklinikkar.

Arbeidsoppgåver

• Delta i vaktordning som medisinsk bakvakt på medisinsk sengepost
• Ansvar for oppgåver knytt til sengepostarbeid og poliklinisk verksemd for aktuelt fagfelt
• Rettleiingsansvar for legar i spesialisering ( LIS1)

Kvalifikasjonar

• Må ha godkjent norsk autorisasjon som lege med spesialisering i indremedisin og spesialisering i gastroenterologi eller kardiologi. Anna spesialisering kan også være aktuelt. Må då ha erfaring frå vaktarbeid i indremedisinsk sengepost. 
• Ha erfaring frå sengepost-, vakt- og poliklinisk arbeid
  
• Det er ein fordel å ha kjennskap til IT-systema DIPS og MEONA
• Må kunne kommunisere godt på norsk, både munnleg og skriftleg 

Personlege eigenskapar

• Du må vere fagleg engasjert
• Du må ha gode evner til kommunikasjon med pasientar, pårørande og kollegaer
• Du må være påliteleg og ansvarleg, både med tanke på å følgje opp pasientar og administrative oppgåver
• Du må vere framtidsretta og løysingsorientert i forhold til tenesteutvikling
• Du må ha engasjement for samhandling både internt og eksternt for å utvikle tenestene med pasienten i fokus
• Du må vere lett å samarbeide med og trivast med tverrfagleg arbeid
• Du må gjere ditt beste for å bidra til eit godt arbeidsmiljø

Vi tilbyr

• Spennande og varierte arbeidsoppgåver
• Støttande, aktivt og trygt arbeidsmiljø
  
• Høve til å drive utvikling av "Pasientens helseteneste"
  
• Nordfjordeid er ein flott plass å bu!
• Fleire barnehagar i området, skular og høg tilgang på fritidsaktivitetar mellom anna innan friluftsliv, trening og kultur 
  
• Fine sjukehusbustadar. Vi hjelper til med å skaffe bustad,-oppgje i søknaden dersom det er ynskjeleg
  
• Løn i samsvar med gjeldande overeinskomst og individuell avtale
  
• Gode pensjons- og forsikringsordningar
  
  

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.