Overlege

Overlege ved Palliativt senter, Smerte- og palliasjonsavdelinga, Kirurgisk serviceklinikk

Palliativt senter er ein seksjon i Smerte- og palliasjonsavdelinga (SMEPA), i Kirurgisk serviceklinikk (KSK). SMEPA består av Seksjon for smertebehandling, Palliativt senter og Kompetansesenter i lindrande behandling, Helseregion Vest. Det pågår fortida ei utgreiing av at Palliativt senter og Kompetansesenter i lindrande behandling blir organisert under Kreftavdelinga. Vi venter beslutning omkring denne utgreiinga i april/ mai.

Vi har nå ledig 100% fast stilling for overlege ved palliativt senter. Vi søker etter legar med spesialistgodkjenning i klinisk spesialitet. Stillinga er eigna for spesialistar innan t.d. anestesi, allmennmedisin, indremedisin, kirurgi, gynekologi, onkologi, eller andre relevante spesialitetar.

Kompetanseområde palliativ medisin er ei påbygging, etter spesialistgodkjenning. Våren 2026 startar det opp ei nasjonal vidareutdanning i kompetanseområde palliativ medisin. Dette er ei mellombels ordning, i påvente av etablering av spesialistutdanning. Det er å forvente at dei som har kompetanseområde, vil bli konvertert til spesialist i palliativ medisin når den ordninga er på plass. Rettleiing og undervisning for utdanningsstillinga vil bli gitt i samsvar med krava til Kompetanseområde palliativ medisin.

I tillegg til drift av palliativ sengepost og poliklinikk, er palliativt senter i hovudsak ei konsulenteining som vurderer pasientar innlagd i sjukehuset (palliativt team), gir råd til spesialisthelsetenesta og dei kommunale helse- og omsorgstenestene og gir undervisning innanfor det palliative fagområdet. Legegruppa roterer mellom dei ulike oppgåvene. Det er etablert vaktordning for legar ved Palliativt senter, for tida er denne åttedelt. Utdanningskandidaten blir rekna inn i denne.

I avdelinga legg vi vekt på tverrfagleg samarbeid, og dei yrkesgruppene som er tilsett i eller knytt til avdelinga er sekretærar, sjukepleiarar, legar, psykologar, fysioterapeutar, ergoterapeutar, musikkterapeut, sosionom og prest. Det er til saman om lag 9 legeårsverk ved palliativt senter.

Dersom det ikkje er søkarar som ønsker eit utdanningsløp i palliativ medisin, vil andre søkarar bli vurderte for tilsetjing. Det kan t.d vere allmenpraktikarar som treng sjukehuspraksis i sitt spesialistforløp, legar med godkjenning i kompetanseområde palliativ medisin eller legar med spesialistgodkjenning og interesse for palliativ medisin.

Arbeidsoppgåver

Ved palliativt senter er det rotasjon mellom:

• Postarbeid som lege ved palliativ sengepost
• Tilsyn frå palliativt team til pasientar innlagd ved ulike avdelingar ved HUS
• Poliklinisk og ambulant aktivite
• Tett samarbeid med behandlingsansvarleg personell som har dagleg oppfølging av pasientar ved ulike avdelingar
• Tett samarbeid med alle faggrupper
• Rettleiing og konsulenttenester til helsepersonell, i samband med pasienttilsyn, samarbeidsmøte og telefonmøte
• Vurdering og tilvising til andre (palliative) tilbod og samarbeid med desse
• Vidareutvikling av samhandlinga mellom spesialist- og kommunehelsetenesta
• Utvikle fagleg kompetanse og kunnskap innan fagområda på sjukehus og i kommunehelsetenesta, ved å bidra med undervising, rettleiing, fagdagar o.l.
• Heimebesøk og/eller samarbeidsmøte med kommunal helseteneste når det blir vurdert nødvendig · Utdanningskandidat vil inngå i etablert vaktordning
• Du vil vere delaktig i undervisning og rettleiing av legar, studentar og andre personell- grupper

Kvalifikasjonar

• Norsk autorisasjon som lege
• Spesialistgodkjenning i relevant medisinsk fagområde er ønskeleg
• Legar i utdanningsløp til relevant fagområde kan også søke
• Må meistre godt norsk både munnleg og skriftleg
• Forskingserfaring ein fordel men ikkje eit krav
•  Det blir lagt vekt på relevant yrkeserfaring og klinisk erfaring

Personlege eigenskapar

• Du har interesse og motivasjon for fagfeltet
• Du kan jobbe tverrfaglig og er lydhør overfor annet helsepersonell i teamet.
• Du har gode samarbeidsevner og kommuniserer tydeleg og forståeleg overfor pasientar/ pårørande og andre samarbeidspartnarar
• Du har evne til å vere lydhøyr overfor pasientar og pårørande som er i ein krevande livssituasjon
• Du har god fagleg vurderingsevne, og arbeider strukturert og målretta
• Du tar initiativ og du arbeider sjølvstendig
• Du bidrar til eit godt arbeidsmiljø
• Du kan delegere og følge opp delegerte oppgåver

Vi tilbyr

• Løn etter avtale 
• Eit aktivt og triveleg arbeidsmiljø
• Høgt fagleg nivå
• Tett samarbeid med andre seksjonar i KSK og med ulike avdelingar på sjukehuset
• Avdelinga har utdanningsutval for legane og også felles undervisningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.