Lege i spesialisering onkologi og hematologi

Ønskjer du å bli ein del av eit fagfelt i rivande utvikling, der du får utfordre og utvikle deg både sjølvstendig og i team med dyktige kollegaer?

Kreftavdelinga ved Helse Førde søkjer no to nye LIS-legar: ein til spesialisering i hematologi og ein til spesialisering i onkologi, begge i faste 100 % stillingar.

Om avdelinga
Kreftavdelinga har ansvar for medikamentell kreftbehandling for innbyggjarane i tidlegare Sogn og Fjordane, og består av sengepost og poliklinikk. Avdelinga har pasientar innan fagområda; onkologi, hematologi og palliasjon.

Avdelinga er godkjent for spesialistutdanning innan hematologi og onkologi som gruppe 2-teneste. Ved fullstendige utdanningsforløp, har vi avtale internt og eksternt for både gruppe 1- og gruppe 2-teneste.

Forsking og fagutvikling
Kreftavdelinga i Helse Førde har eit sterkt forskingsmiljø med mange moglegheiter for tilsette. Avdelinga deltek i fleire nasjonale og internasjonale kliniske studiar, og har også eigne studiar som blir leia av overlegar og forskarar i avdelinga. Fokuset i studia ligg i stor grad på å forbetre tilpassa/personsentrert behandling. Det er mogleg å delta i forskingsprosjekt. Fleire av våre overlegar og sjukepleiarar har doktorgrad eller tek doktorgrad ved sida av klinisk arbeid.

Undervisning
Frå 2027 vil Helse Førde også få medisinstudentar som ein del av «Vestlandslegen». Det vil då vere mogleg å bidra i undervisning eller opplæring.

Vaktordning
LIS-legar inngår i 5-delt vaktordning (kveld kl. 16:00 - 19:00 og helg kl. 09:00 - 14:00) saman med overlege innan hematologi eller onkologi

Oppstart
Oppstart for begge stillingane er 1. juni 2026 eller etter avtale

Arbeidsoppgåver

• Klinisk arbeid ved sengepost og etter kvart poliklinikk tilpassa kompetanse
• Behandling og oppfølging av pasientar innan onkologi og hematologi
• Deltaking i internundervisning for avdelinga

Kvalifikasjonar

• Norsk autorisasjon som lege
• Søkjar til fast stilling må ha gjennomført LIS1-teneste
• Søkjar som ventar på LIS1-teneste, eller ønskjer praksis på sjukehus, kan vere aktuell for midlertidig tilsetting  
• Relevant og klinisk yrkeserfaring vert vektlagt
• Gode munnlege og skriftlege kommunikasjonevner på norsk 

Personlege eigenskapar

• Motivasjon og interesse innan fagfeltet
• God fagleg vurderingsevne, arbeider målretta og strukturert
• Kommunisere godt med pasientar, pårørande og kollegaer
• Evne til å bidra positivt til eit godt fagleg og kollegialt arbeidsmiljø

Vi tilbyr

• Ein spennande, utfordrande jobb, i eit travelt og utviklande fagleg miljø
• Lønn i samsvar med gjeldande overeinskomst
• Gode pensjons og forsikringsordningar 
• Eit meiningsfylt arbeid som gjev personleg utvikling
• Kompetente og dedikerte rettleiarar

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ein ved godkjenning frå Direktoratet for høgare utdanning og kompetanse.