Overlege i hjartesjukdommar

Stord sjukehus har ledig stilling for overlege i hjartesjukdommar og/eller spesialist i generell indremedisin

Ved Medisinsk avdeling har vi årleg omlag 3.650 innleggingar, 9.000 polikliniske konsultasjonar og 1.500 dagpasientar. Avdelinga har 8 overlegestillingar som dekker spesialitetane lungesjukdommar, nyresjukdommar, hjertesjukdommar og fordøyelsesjukdommar. Vi har 3-skikta vaktordning, med overlege i tertiærvakt bak LIS1 og LIS 2/3. I tillegg til overlegestillingane er det  9 LIS 2 og 7 LIS 1. Her er 32 senger fordelt på 2 sengepostar + 3 senger i observasjonspost, akuttmottak, felles intensivavdeling og dialyse samt poliklinikk.

Stord sjukehus er ein del av Helse Fonna HF. Sjukehuset har gode støttetenester innan anestesi, intensiv/post opr., radiologi med CT- og MR lab., fysikalsk avdeling og laboratorium med blodbank. Stord sjukehus har full akuttberedskap innan medisin, kirurgi, føde, gynekologi og anestesi. Opptaksområdet er på om lag 50.000 innbyggjarar, fordelt på fem kommunar.

Stord har flott natur som gjev særs gode høve til naturopplevingar og aktivitetar for born og vaksne innan ei heil mengd ulike idrettar. Kulturlivet er rikt og variert, og det er eit godt utbygd skuletilbod med vidaregåande skule og høgskule. Det er god kommunikasjon nordover til Bergen/Flesland og sørover til Haugesund og Stavanger. Stord har flyplass med dagleg avgang til Oslo, omtrent ein times reisetid.

Arbeidsoppgåver

• Utredning, diagnostisering og behandling av pasientar
• Arbeidsoppgåver knytt til poliklinikk og sengepost, med deltaking i vaktordning
• Tverrfagleg samarbeid på tvers av avdelingar
• Veiledning og supervisjon av LIS-leger
• Bidra til utarbeiding og oppdatering av avdelingen sine rutinar og prosedyrar 
• Undervisningsoppgåver
  

Kvalifikasjonar

• Norsk godkjenning som spesialist i hjartesjukdommar er ønskelig
• Søkjar må ha generell indremedisinsk vaktkompetanse for å gå inn i vaktordning
• For stillinga krevst norsk autorisasjon som lege og norsk spesialistgodkjenning
  
• Søkjar må kunne kommunisere godt på norsk, både skriftleg og muntleg
• Gode norskkunnskaper er helt avgjerande for forsvarleg pasientbehandling. Søkjar som har anna morsmål enn norsk, svensk eller dansk, må minimum ha bestått Bergens-testen, eller anna norsktest på B2 nivå. Dokumentasjon må leggjast ved søknaden

Personlege eigenskapar

Hos oss er det viktig at du:

• er positiv og har gode samarbeids- og kommunikasjonsevner - både med pasientar, pårørande og kollegaer
• likar varierte utfordringar og er fleksibel 
• trives i eit aktivt og travelt miljø
• arbeidar sjølvstendig, strukturert og er ansvarsbevisst
  

Vi tilbyr

• Godt arbeidsmiljø innad i legegruppa og på tvers av avdelingane
• Lønn i samsvar med gjeldande overeinskomst
• Pensjonsordning i KLP, yrkesskadeforsikring, gruppelivsforsikring og tenestereiseforsikring
  
• Triveleg arbeidsmiljø
• Høgt fagleg nivå
• Ein arbeidsplass som er ei inkluderande arbeidsliv-bedrift (IA-bedrift)
• Fagleg og personleg utvikling