Kommuneoverlege

Kommuneoverlegen har ei sentral rolle i kommunen sin organisasjon, med spennande og utfordrande arbeidsoppgåver i ein kommune med engasjerte innbyggjarar og tilsette. Legetenesta er ein av dei viktige basisfunksjonane i helse og omsorgstilbodet.

VIl du vera del av eit positivt tverrfagleg arbeidsmiljø med solid fagleg kompetanse og stort engasjement? Då vil me gjerne ha søknaden din!

Arbeidsoppgåver
Stillinga utgjer 60% stilling og kommunen kan vurderer om det er anna offentleg allmennmedisinsk legearbeid som kan kombinerast med kommuneoverlegeoppgåvene, Me ber om at søkjar opplyser i søknaden om ein slik kombinasjon er av interesse.

Kommuneoverlegen:

• skal koordinera, tilrettelegga og leia det samfunnsmedisinske arbeidet i kommunen
• er medisinskfagleg rådgjevar i kommunen sitt folkehelsearbeid og i den kommunale helse og omsorgstenesta
• har ansvar for planarbeid, helsefagleg rådgjeving med vekt på folkehelse, helseberedskap, smittevern, helseovervaking og miljøretta helsevern.
• har ein tverrsektoriell funksjon
• har hastekompetanse på kommunen sine vegne i saker innan miljøretta helsevern, smittevern og helsemessig beredskap
• har vedtaksmyndigheit som er heimla direkte i lover, blant anna smittevernloven og i psyksik helsevernloven
• har andre oppgåver som er forankra i ulike lover og forskrifter

Kvalifikasjonar

• Medisinsk embetseksamen
• Norsk autorisasjon
• Spesialitet i samfunnsmedisin eller ønskje om å inngå avtale med kommunen for å gjennomgå spesialistutdanningsprogrammet. Dersom søkjar har starta slik spesialitet vil kommunen leggja til rette for at spesialiseringsløpet kan fullførast

Personlege eigenskapar
Me søkjer deg som har stort engasjement for samfunnsmedisin og som:

• Kommuniserer på ein god måte - munnleg og skriftleg
• Er løysingsorientert og strategisk
• Møter andre på ein respektfull og open måte
• Skapar tillit og viser høg etisk standard.
• Er endringsvillig og ønskjer kontinuerleg forbetring i arbeidet

Me tilbyr

• Fleksibel arbeidstidsordning - høve til heimekontor 
• Løn etter avtale
• Gode forsikrings- og pensjonsordningar

Generell informasjon:
Søknadar må sendast via Webcruiter for å verta registrert på utlysingssak.
I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta.
Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette

Den kommunale organisasjonen skal i størst mogleg grad spegla mangfaldet i folkesetnaden. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne.