Lege i spesialisering onkologi

Onkologi - eit spennande fagfelt i stor utvikling!

Vi søkjer etter legar i spesialisering (LIS 2/3) som ynskjer å vere med på å byggje det beste laget. Det er ønskjeleg med oppstart 01.09.2025, men dette kan avtalast. Seksjonen har per no 8-delt primærvakt som du kan verte delaktig i, avhengig av kompetansenivå.

Det onkologiske tilbodet i Klinikk for kreftbehandling og rehabilitering i Helse Møre og Romsdal består mellom anna av:

• Fylkesdekkande sengepost og stråleterapieining, palliativt team, poliklinikk, Pusterom og Vardesenter i Ålesund
• Kreftpoliklinikk, palliativt team og Pusterom ved SNR Hjelset/Kristiansund og Volda sjukehus

Onkologi er eit svært spennande og variert fag som utviklar seg raskt med tanke på nye behandlingsmetodar og teknikkar. Faget gir gode høve for forsking og det er etablert eige forskingsutval i klinikken. Onkologiske legar i seksjonen er i dag delt inn etter faggruppene; uro/sarkom/CNS, gastrointestinal, malignt melanom, bryst/thyroidea og stråleterapi.

Seksjonane gir eit breitt onkologisk tilbod til pasientane. Dette gjeld også pasientar utanfor Helse Møre og Romsdal sitt primærområde, om faglege og geografiske omsyn gjer dette naturleg.

Vi ber om at attestar og vitnemål vert lasta opp som vedlegg til søknaden din.

Arbeidsoppgåver

• Vekslar mellom polikliniske konsultasjonar og sengepost
• Vurdering av tilvisningar
• Deltaking på MDT-møter
• Vurdering av stråleterapi etter kvalifikasjon
• Deltaking i vaktordning ved sengeposten i Ålesund avhengig av kompetansenivå
• Deltaking i kliniske studier

Kvalifikasjonar

• Medisinsk embetseksamen med autorisasjon som lege i Noreg
• Godkjent del 1 av spesialistutdanninga eller turnusteneste etter gamal ordning
• Du har gode kunnskapar i norsk, både munnleg og skriftleg
• Vi legg vekt på at du er god i det kliniske arbeidet
  

Personlege eigenskapar

• Du har gode samarbeidsevner
• Du trivast i eit aktivt og framoverlent miljø
• Du bidreg til eit godt arbeidsmiljø
• Du arbeider godt både sjølvstendig og i team
• Du er ansvarsbevisst
• Du deler gjerne kunnskap med andre
• Du har gode kommunikasjonsevner

Å vere personleg eigna vert vektlagt ved tilsetting.

Vi tilbyr

• Sterkt tverrfagleg samarbeid
• Eit sterkt fagmiljø i eit fag som er i rivande utvikling
• Gode høve til utvikling av fagleg og kommunikativ kompetanse
• Ein inkluderande arbeidsplass
• Ei fin vaktordning
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår
• Vi implementerer 'Velkommen til oss - fadderordning for LIS'

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Du kan lese meir om regionen vår her.