Vil du jobbe i ei avdeling som er kjend for høg kvalitet, rask prøveflyt og eit godt arbeidsmiljø? Då oppmodar vi deg til å søkje jobb hos oss!

Ved Avdeling for patologi i Helse Møre og Romsdal HF har vi ledig ei fast 100 % stilling som overlege i patologi. Dersom vi ikkje får tilsett ein overlege, lyser vi samstundes ut eit vikariat som LIS i patologi (100 % stilling).

Avdelinga held til i Noregs vakraste by – Ålesund, og er organisert under Klinikk for diagnostikk, saman med andre laboratoriefag og bildediagnostikk.
Vi tilbyr gode høve til fagleg utvikling og legg til rette for deltaking på relevante kurs.

Avdelinga har i dag tilsett 6 overlegar (1 konstituert) og 4 LIS, i tillegg bioingeniørar og sekretærar, til saman 34,6 stillingar.

Ønskjeleg oppstart for overlegestillinga er snarast, etter nærare avtale med avdelingssjef. LIS-legar som nærmar seg ferdig spesialisering, vert òg oppmoda til å søkje. For LIS-vikariatet er oppstart ønskjeleg frå 01.09.2025.

Vi ber om at attestar og vitnemål vert scanna og lasta opp som vedlegg til din CV.

Arbeidsoppgåver

Avdelinga tek imot prøver frå både spesialisthelsetenesta og primærhelsetenesta i Møre og Romsdal. I 2024 svarte vi ut om lag 28 000 biopsiar, 20 000 cytologiprøver og gjennomførte 80 obduksjonar.

Arbeidsoppgåver for overlegestillinga:

Generell histologi- og cytologidiagnostikk (avdelinga har ikkje fagspesialisering)
Supervisjon innan patologisk diagnostikk og obduksjon

Arbeidsoppgåver for LIS-stillinga:

Diagnostikk av biopsiar, operasjonspreparat og obduksjonar
Etter kvart også diagnostikk av cytologiske prøver

Kvalifikasjonar

Vi søkjer deg som ønskjer å vere med på å byggje opp eit sterkt fagmiljø innan patologi, og bidra til ei framifrå helseteneste for pasientane våre.

For overlegestilling:

Norsk autorisasjon som spesialist i patologi, eller vere i sluttfasen av spesialistutdanninga
Relevant erfaring og kompetanse innan fagfeltet vert vektlagt

For LIS-stilling: