Overlege Hjarteavdelinga - Seksjon for Takyarytmi

Helse Bergen, Haukeland universitetssjukehus har ledig ei fast stilling som overlege i hjartesjukdommar på Seksjon for Takyarytmi ved Hjarteavdelinga.

Hjarteavdelinga ved Haukeland universitetssjukehus er ei spesialavdeling der all utgreiing og behandling av hjartesjukdommar er samla. Avdelinga driv høgspesialisert utgreiing og behandling innan følgjande område: Ikkje-invasiv biletdiagnostikk, invasiv koronardiagnostikk/terapi og perkutane ventilimplantasjonar, toraks-kirurgi, intensiv- og overvakingsmedisin, pacemaker-, ICD- og CRT behandling, hjartesviktpoliklinikk, tachyarytmi, preventiv kardiologi og kongenitt kardiologi. Medisinsk utvikling er framtredande, og forskingsaktiviteten er høg.

Hjarteavdelinga har to store sengepostar, intensiv- og overvakingseining, ein stor torakskirurgisk post, eiga pacemaker-operasjonsstove, fire torakskirurgiske operasjonsstover medrekna hybridstove, tre laboratorium for koronar angiografi/PCI, to elektrofysiologilaboratorier og fleire spesialpoliklinikkar.

Ved seksjon for Takyarytmi er det ledig fast 100% stilling som overlege. Seksjonen har regionalt ansvar for og utfører invasiv utgreiing og ablasjonsbehandling av hjartearytmiar. Seksjonen driv to ablasjonslaboratorium, med moglegheit for RFA, Cryo og PFA. Seksjonen har stor aktivitet med ca 900 prosedyrar/år og driv forsking innan ablasjonsbehandling.

Arbeidsoppgåver

• Drift av ablasjonslaboratorium i samarbeid med andre legar ved seksjonen
• Poliklinikk
• Kardiologisk bakvakt
• Undervisning, forsking og kvalitetsarbeid

Kvalifikasjonar

• Brei kunnskap og erfaring innan invasiv elektrofysiologi og ablasjonsbehandling av takyarytmi
• Gode kommunikasjonsevne
• Kandidaten må meistre norsk skriftleg og munnleg
  
• Forskingskompetanse blir vektlagd

Personlege eigenskapar

• Samarbeidsorientert, strukturert og løysingsorientert
• Stor arbeidskapasitet, effektiv og fleksibel
• Evne til å syne trivsel i eit aktivt og endringsorientert miljø

Vi tilbyr

• Lønn i tråd med tariffavtale
• Konkurransedyktig pensjonsordning. Yrkesskadeforsikring, gruppelivsforsikring og tenestereiseforsikring
• Høgt fagleg nivå
• Ein arbeidsplass som er ei inkluderande arbeidsliv-bedrift (IA-bedrift)

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.