Lege i spesialisering i medisinsk genetikk

Avdeling for medisinsk genetikk, seksjon for klinisk genetikk, har ledig ei fast 100% stilling som lege i spesialisering. Oppstart er 01.09.2025. Anna startdato kan avtalast. Frå før har seksjonen fire LIS-legar.

Medisinsk genetikk er ein klinisk spesialitet med omfattande og variert pasientkontakt. Vi har ein aktiv poliklinikk der vi greier ut, undersøker og rettleier pasientar i alle aldre med kjent eller mistenkt arveleg sjukdom. Eksempler på dette er arveleg kreftsjukdom, arveleg hjartesjukdom, syndromutgreiing og fosterdiagnostikk. I tillegg utfører vi tilsyn på inneliggande pasientar. Utgreiing av familiar, både diagnostisk og prediktivt, utgjer ein vesentleg del av den polikliniske aktiviteten vår. Verksemda er forøvrig kjenneteikna av tett integrering mellom klinikk og laboratorium. Forsking er også ein viktig del av vår verksemd. Gjennom utviklinga av persontilpassa medisin forventar vi at raskt aukande kunnskap om variasjon i arvestoffet vil få stor innverknad på medisinsk praksis i framtida.

Avdelinga har regionansvar for medisinsk-genetiske tenester i Helse Vest. Vi er om lag 90 tilsette med ulik yrkesfagleg bakgrunn og vi er organisert i ein seksjon for klinisk genetikk, ei laboratorieeining med to seksjonar og merkantil seksjon.  Regionalt kompetansesenter for arveleg kreft og Regionalt senter for presisjonsmedisin er også knytt til avdelinga. Avdelinga er godkjend utdanningsinstitusjon for heile utdanningsløpet i medisinsk genetikk, ein viser for øvrig til utdanningsplan.

Arbeidsoppgåver

• Deltaking i genetisk utgreiing og rettleiing av pasientar og familiar
• Vekentlig poliklinikk ved Medisinsk genetisk poliklinikk ved Haukeland universitetssjukehus 
• Deltaking i diagnostiske samarbeidsmøte med relevante avdelingar
• Legeoppgåver knytta til den laboratoriediagnostiske verksemda. Vurdering av mottatte rekvisisjonar og tolking og utsvaring av analysefunn
• Deltaking i vaktordningar innanfor avdelinga si opningstid som er 08.00 - 15.30
• Undervising av anna helsepersonell, pasientar og pårørande

Kvalifikasjonar

• Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggast til grunn for tilsetting i LIS stilling i medisinsk genetikk
• Yrkeserfaring frå medisinsk genetikk eller anna relevant legearbeid etter LIS1, eller anna teneste eller forsking/PhD som er særskild relevant for medisinsk genetikk er ein fordel 
  
• Den som blir tilsett må kunne kommunisere godt på norsk eller eit skandinavisk språk, både skriftleg og munnleg
  
• God skriftleg dokumentasjonsevne
• Gode IKT-kunnskapar og evne til å lære nye datasystem
  

Personlege eigenskapar

• Du trivst med klinisk arbeid og har motivasjon og stor interesse for medisinsk genetikk
• Du har god fagleg vurderingsevne, og arbeider målretta og strukturert, med respekt for tidsfristar
• Du er innsatsvillig, og har evne til å ta sjølvstendige avgjerder 
• Du kommuniserer og samarbeider godt med pasientar, pårørande og kollegaer
• Du bidrar positivt til eit godt arbeidsmiljø
  

Vi tilbyr

• Lønn i samsvar med gjeldande overeinskomst
• Konkurransedyktig pensjonsordning
• Triveleg arbeidsmiljø
• Høgt fagleg nivå
• Fagleg og personleg utvikling
• Fleksibel arbeidstid
• Ein arbeidsplass som er ei inkluderande arbeidsliv-bedrift (IA-bedrift)

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.