Lege i spesialisering, infeksjonsjukdommar

Helse Bergen, Haukeland universitetssjukehus har ledig to faste stillingar for lege i spesialisering i infeksjonssjukdommar. Oppstart september 2025 eller etter avtale.
Klinisk infeksjonsteneste vil gå føre seg ved seksjon for infeksjonssjukdommar, Medisinsk klinikk, Haukeland universitetssjukehus. Behov for anna indremedisinsk teneste som ledd i utdanninga blir ivaretatt ved rotasjon til andre indremedisinske seksjonar og avdelingar i sjukhuset. Seksjonen har også avtale med Mikrobiologisk avdeling om 12 mnd laboratorieteneste mot slutten av utdanninga. Etter fullført spesialisering, vil stillinga bli omgjort til stilling som legespesialist.

Seksjon for infeksjonssjukdommar diagnostiserar og behandlar pasientar med ulike infeksjonar. Seksjonen har frå hausten 2025 til saman 30 senger, inkludert ei overvakingseining med 10 senger. Seksjonen driv også ein ortopedisk infeksjonspost med 14 senger i samarbeid med Ortopedisk avdeling. I poliklinikken utgjer oppfølging og behandling av kroniske virussjukdommar som HIV og viral hepatitt ein vesentleg del. Seksjonen har dessutan ei omfattande tilsyns- og rådgivingsverksemd. Nasjonal Kompetanseteneste for tropiske infeksjonssjukdommar er fagleg og organisatorisk underlagd infeksjonsseksjonen. Saman med Klinisk institutt 2, Universitetet i Bergen, har seksjonen ei stor forskingsverksemd, særskild innanfor alvorlege bakterielle infeksjonar, antimikrobiell resistens, tropesjukdommar og virale luftvegsinfeksjonar. Seksjon for infeksjonssjukdommar har i alt 11 årsverk for overlegar med hovudstilling på sjukhuset og fleire universitetstilsette i bistilling. Frå hausten 2025 aukar vi til 11 stillingar for legar i spesialisering.

Medisinsk klinikk har i tillegg til infeksjonssjukdommar einingar for blodsjukdommar, fordøyelsessjukdommar, nyresjukdommar, hormonsjukdommar, og frå hausten 2025 også geriatri, til saman 86 senger. Avdelinga driv i tillegg stor poliklinikk samt ei eining for endoskopisk undersøking. Behandling av pasientar ber preg av øyeblikkelig hjelp, medan elektiv verksemd i hovudsak går føre seg på dageining, poliklinikk og på eining for endoskopisk undersøking.

Vedkommande som får tilbod om tilsetjing må legge fram godkjend politiattest (vandel) jfr. Lov om helsepersonell §20a.

Arbeidsoppgåver

• Deltaking i Medisinsk klinikk sine ulike aktivitetar
• Deltaking i forvaktsordning ved Medisinsk klinikk
• Deltaking i Medisinsk klinikk og Infeksjonsseksjonen si undervisning for legar i utdanningsstillingar, for andre faggrupper og for legestudentar
• Deltaking i kvalitetsforbetringsarbeid og forsking

Kvalifikasjonar

• Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggast til grunn for tilsetting i LIS 3-stilling i infeksjonssjukdommar
• Søkar må meistre norsk munnleg og skriftleg
• Infeksjonsmedisinsk og indremedisinsk erfaring blir vektlagt
• Interesse for og/eller erfaring med forsking er ein fordel

Personlege eigenskapar

• Vi søker etter legar med interesse for indremedisin og infeksjonssjukdommar
• Bør ha stor arbeidskapasitet og gode evner til arbeid med pasientar, ikkje minst dei som treng øyeblikkeleg hjelp
• Vedkommande bør vere godt motivert, fleksibel, ha gode samarbeidsevner, inkludert evne til å arbeide i tverrfaglege team

Vi tilbyr

• Stimulerande arbeidsmiljø i ei aktiv seksjon i ei avdeling med høg fagkompetanse og sterkt fokus på praktisk og teoretisk opplæring, undervisning og forsking
• Gode tilhøve for deltaking i forsking
• Fast tilsetjing
• Lønn i samsvar med gjeldande overeinskomst
• Gode pensjons. og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.