Prosjektleiar

Nasjonalt kompetansenettverk for legemidlar til barn (Nettverket) arbeider for at legemiddelbehandling til barn skal vere hensiktsmessig og trygg og i størst mogleg grad basert på forskingsbasert kunnskap. Nettverket arbeider for at alle som er involvert i barns legemiddelbehandling skal ha tilgang til kvalitetssikra og relevant informasjon på sin arbeidsplass. Nettverket har administrasjon og leiing lokalisert ved Barne- og ungdomsklinikken ved Haukeland universitetssjukehus. Stillinga som lysast ut har arbeidsstad ved Barne- og ungdomsklinikken, Haukeland universitetssjukehus, og kan knyttast til stilling i klinisk arbeid ved avdelinga.

Nettverket driftar NorPedMed, eit landsdekkande forskingsnettverk av spesialiserte utprøvingseiningar dedikert til arbeid med klinisk legemiddelutprøving blant barn (Klinisk Forskingspost Barn), etablert ved barne- og ungdomsklinikkane ved alle universitetssjukehusa.

Nettverket har fagleg ansvar for samarbeidet som ligg bak doseringsverktøyet KOBLE.info, og leier redaksjonsutvalet, i samarbeid med Legemiddelhandboka. Nettverket driftar ‘Nasjonalt kompetansenettverk for psykofarmaka til barn og unge’, der oppdraget er å bidra til at barn og unge som blir  behandla med psykofarmaka skal få trygg og likeverdig behandling uavhengig av geografisk tilknyting. Leiar av Nettverket er barnelege med interesse for og kunnskap om farmakoterapi hos barn. 

Vi har ledig engasjement som prosjektleiar i 50% stilling i 12 månader med mogleg forlenging.   

Arbeidsoppgåver

• Inngå i og leie styringsgruppa med medlemmar frå alle helseføretak, ein allmennlege og klinisk farmakolog
• Ha budsjettansvar og rapportere til HDir
• Legge til rette for pasientsikkerheit, kompetanseheving, kunnskapsformidling, samarbeid med nasjonale og internasjonale fagmiljø om kliniske legemiddel-utprøvingar
• Arbeidet krev ei tverrfagleg tilnærming og nært samarbeid nasjonalt og internasjonalt med andre viktige aktørar som Helsedirektoratet, Direktoratet for medisinske produkt, Folkehelseinstituttet, Barnelegeforeningen, Sjukehusapoteka, Helsebibilioteket, Koble, primærhelsetenesta, NorPedMed, NorCrin, NorTrials med fleire

Kvalifikasjonar

• Norsk autorisasjon som lege
• Spesialist i barnesjukdommar (eller under spesialisering)
• Forskingskompetanse (PhD)
• Relevant erfaring, inkludert erfaring frå legemiddelstudiar (PI) 

Personlege eigenskapar

• Gode samarbeidsferdigheiter og ønske om å vere ein del av eit tverrfagleg team
• Du har god fagleg vurderingsevne og arbeider strukturert og målretta på jobb
• Du etablerer gode samarbeidsrelasjonar til alle nødvendige yrkesgrupper og samarbeidspartnarar
• Du har oversikt over eigne arbeidsoppgåver også under skiftande omstende
• Du har eit godt lag og får fram det beste i dei andre

Vi tilbyr

• Godt arbeidsmiljø prega av kompetente medarbeidarar som er opptekne av å gjere ein god jobb
• Løn i samsvar med gjeldande overeinskomst
• Gode pensjons- og forsikringsordningar
• Eit rikhaldig bedriftsidrettstilbod

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.