Er du LIS3 eller lege og vil jobbe med barne- og ungdomspsykiatri?

Er du ein entusiastisk lege som ønskjer å spesialisere deg innan barne- og ungdomspsykiatri (BUP)? Bli ein del av vårt team og bli med å forme framtida for psykiatriske tenester til barn og ungdom i Helse Fonna.

Vi har to faste LIS3-stillingar ledige med ønskje om snarleg oppstart. Er du LIS1 og ventar på plass, oppmodar vi også deg til å søkje. Søkjaren til LIS3-stillinga må ha fullført LIS1.

Hos oss i BUP finn du eit trygt og støttande fagmiljø. For tida er vi åtte overlegar, fem LIS3 og ein som ventar på LIS1-plass. I tillegg har vi ein overlege med pensjonistavtale som bidreg med sin erfaring og kompetanse.

Vi tilbyr tenester på spesialistnivå til barn og unge frå 0-18 år. Opptaksområdet for poliklinikken dekkjer ti kommunar: Karmøy, Haugesund, Utsira, Sveio, Tysvær, Bokn, Vindafjord, Etne, Sauda og Suldal. Vi har to poliklinikkar og ein sengepost. BUP Haugesund har akuttfunksjon og vaktteneste døgnet rundt med for- og bakvaktslegar.

BUP Haugesund er godkjend som utdanningsinstitusjon innan barne- og ungdomspsykiatri. Vi har samarbeidsavtalar med både vaksenpsykiatri og pediatri, noko som gjer det mogleg å ta heile spesialiseringsløpet her i Haugesund.

Vi ser fram til å motta søknaden din og ønskjer deg velkommen til eit engasjerande og givande arbeidsmiljø!

Hos oss legg vi stor vekt på å tilby gode helsetenester for barn og unge. Sjå filmen om prosjektet vårt og bli litt betre kjent med oss: https://youtu.be/FKTrqoZHBxM

Arbeidsoppgåver

• Utgreiing, diagnostisering og behandling av barn og ungdom
• Delta i vaktordning for legar
• Bidra fagleg gjennom rettleiing, undervisning og teamarbeid
• Kontakt med føresette og andre aktuelle instansar rundt barn/ungdom

Kvalifikasjonar

• Søkjaren til LIS 3 stillinga skal ha gjennomført LIS1
• Må ha dokumentert norsk autorisasjon
• Erfaring frå BUP er ønskjeleg.
• Gode norskkunnskapar er nødvendige for forsvarleg pasientbehandling. Søkarar med anna morsmål enn norsk, svensk eller dansk må dokumentere bestått norsktest på B2-nivå (t.d. Bergenstesten), med mindre dei har fullført vidaregåande skule på norsk. Ved intern tilsetjing kan kravet fråvikast i særlege tilfelle.

Personlege eigenskapar

Hos oss er det viktig at du:

• likar å jobbe med barn, ungdom og føresette
• har pågangsmot, evne til samarbeid og formidling av kunnskap
• arbeider strukturert og sjølvstendig
• er kreativ, nytenkjande og fleksibel

Personlege eigenskapar blir vektlagde

Vi tilbyr

• Eit utfordrande og spennande arbeidsfelt i utvikling
• Arbeid i tverrfaglege team
• Regelmessig internundervisning og rettleiing ved barne- og ungdomspsykiater
• Heile spesialiteten kan tas ved Haugesund sjukehus
• Kompetanseheving og spesialiseringsløp
• Eit godt fagmiljø og kjekke kollegaer
• Sosiale aktivitetar som felleslunsj og trim på huset

For å kunne vurdere fortrinnsrett til stilling, må søkjar gi til kjenne dette i søknaden