Lege i spesialisering /Cand.med

Vi søkjer legar i spesialisering til faste stillingar. «LIS1 ventere»/Cand.med. blir oppfordra til å søkje engasjement. 

Psykiatrisk klinikk er eit distriktspsykiatrisk senter for kommunane i Sunnfjord og Ytre Sogn, og har også sentralsjukehusoppgåver med akutt sengepost, vaksenhabilitering, lokal sikerheitspost og ambulant sikkerheitsteam. Avdelinga har 18 faste legestillingar, LIS1 og medisinstudentar vår og haust. 

Mars 2021 flytta vi inn i nybygg ved sentralsjukehuset i Førde, med 4 sengepostar, poliklinikk og Førde BUP. 

Med nærleik til Førde sentralsjukehus, sengepost ungdom (UPH) og Førde BUP, vil det vere mogleg å få all teneste som er nødvendig for å bli spesialist utan å flytte frå Førde. Avdelinga har fleire spennande prosjekt innan forsking og utvikling. NORSE tilbakemeldingssystem er utvikla ved vår avdeling. 

Nyttig informasjon ved jobbsøking til Psykiatrisk klinikk, Helse Førde HF.

Tilsetting snarast/etter nærare avtale.

Arbeidsoppgåver

• Hovudoppgåva er å vurdere, diagnostisere og behandle tilviste pasientar
• Den som vert tilsett må ventast å ta del i utvikling av fagtilbodet ved avdelinga
• Delta i vaktordning på Psykiatrisk klinikk sine einingar og sengepost for barn og ungdom (UPH)
• Ein må pårekne å gjere teneste ved sengepostar og poliklinikk etter dei behov avdelinga har

Kvalifikasjonar

• Norsk autorisasjon som lege
• Ferdig med LIS1 teneste. Søkjar utan godkjent LIS1 teneste kan vurderast til engasjement
• Gode språkkunnskapar i norsk, både skriftlege og munnlege, er heilt avgjerande for forsvarleg pasienthandsaming. Ikkje-nordiske statsborgarar må minimum ha bestått Bergenstesten, eller annan norsktest på B2-nivå. Dokumentasjon må leggjast ved søknad (gjeld berre for helsepersonell)
• Søkjar må ha førerkort i klasse B

Personlege eigenskapar

• Du har motivasjon og interesse for fagfeltet
• Du kommuniserar og samarbeider godt med pasientar, pårørande og kollegaer
• Du har god fagleg vurderingsevne, arbeider målretta og toler å stå i krevjande situasjonar

Vi tilbyr

• Løn i samsvar med gjeldande overeinskomst
• Gode pensjons- og forsikringsordningar
• Etter nærare avtale kan vi vere behjelpeleg med å skaffe bustad

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.