Overlege med spesialitet i lungesjukdomar

Haugesund sjukehus har ledig fast stilling som overlege i lungesjukdomar. Vi søkjer derfor etter lege som er spesialist i lungesjukdomar eller som blir det innan kort tid. Ønskeleg tilsetjingstidspunkt er 1. september 2025.

Haugesund sjukehus har klinikkar for medisin, kirurgi, psykisk helsevern og medisinsk service (inkl. radiologi, klinisk kjemi og patologi). Medisinsk klinikk omfattar indremedisin med greinspesialistar i dei fleste fagområda, samt nevrologi, barn, rehabilitering og lærings- og meistringssenter. Klinikken er godkjend som utdanningsavdeling for indremedisin, nefrologi, kardiologi, lungesjukdomar, gastroenterologi, endokrinologi, geriatri og blodsjukdomar.
Innan indremedisin har vi om lag 20 legar i spesialisering og om lag 25 overlegestillingar. I mottak er det siste året tilsett eigne vaktoverleger på dagtid.

Fagområdet lungesjukdomar er organisert under Hjarte- og lungeavdelinga, som igjen er ein del av medisinsk klinikk. Det er per i dag 13 sengeplassar som er rekna under fagområdet lungesjukdomar. Totalt sett dekkjer seksjonen det aller meste av fagfelta innan lungesjukdomar.

Det er høg aktivitet ved Lungepoliklinikken, som har ansvar for utgreiing og oppfølging av pasientar med lungesjukdomar i regionen. Det er etablert eigen lungeutgreiingspoliklinikk for å gje raskare pakkeforløp for lungepasientar. Det er eit godt fagleg miljø innanfor fagområdet lunge. Det er per i dag 5 overlegestillingar.

Det er tett samarbeid med spesialsjukepleiarar innan lunge. Deltaking i felles indremedisinsk vaktlag vil vere del av stillinga. Dette inkluderer også dagvakt/visittgang på MIO (medisinsk intermediær overvaking), der ein har etablert eigen NIV (non-invasiv ventilasjon) eining. Arbeidet inkluderer også rettleiing og supervisjon av legestudentar og legar under spesialistutdanning.

Arbeidsoppgåver

• Dagteneste ved Lungepoliklinikk og lungepost. 
• Vaktarbeid inkludert dagteneste på MIO.
• Overlegane går pr i dag 12-delt vakt i felles indremedisinsk vaktlag.
• Samarbeid på tvers av avdelingar og tverrfaglege yrkesgrupper.

Kvalifikasjonar

• Vi søkjer ein lege som er godkjend spesialist i lungesjukdomar, eller som er i utdanning og kan få spesialistgodkjenning innan 1-2 år. 
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad.

Personlege eigenskapar

• Du har engasjement for fagfeltetet /pasientgruppa og ønskjer å vidareutvikle kompetansen din.
• Du har god fagleg vurderingsevne, arbeidar målretta og strukturert.
• Du kommuniser og samarbeider godt med pasientar, pårørande og kollegaer.
  

Personlege eigenskaper vil bli tillagt avgjerande vekt.

Vi tilbyr

• Eit høgt fagleg nivå med rom for ytterlegare kompetanseutvikling.
• Ein aktiv avdeling med spanande og utfordrande oppgåver.
• Eit godt arbeidsmiljø.
• Å legge til rette for forskning og utvikling.
• Organisert internundervisning i lungesjukdommar og i indremedisin.
• Arbeids- og lønnsvilkår etter lokal overeinskomst og individuell avtale. 

Andre opplysningar

• Reiseaktivitet: Ingen reiseverksemd til andre sjukehus er påkrevd
• Vi vil kunne bistå med å finne bolig i ein overgansperiode på 6 mnd.