Lege i spesialisering patologi, faste stillingar og vikariat

Avdeling for patologi er ei stor og velutrusta avdeling med breitt diagnostisk tilbod innanfor biopsi, cytologi, autopsi, nyrepatologi, nevropatologi, oralpatologi og molekylærpatologi. Det er ei framtidsretta avdeling som stadig arbeider med innføring av nye metodar og ny teknologi, mellom anna i digital patologi og  kreftgenomikk.

Vi har ledig to faste 100 % stillingar som lege i spesialisering 2/3, og ønsker å tilsette frå desember 2023. 

For fast tilsetting gjeld følgande:
Vi tilbyr spesialistutdanning som dekker heile utdanningsløpet i patologi. Det vises for øvrig til utdanningsplan. Etter fullført spesialisering, vil stillinga bli omgjort til stilling som legespesialist. 

Vi har i tillegg behov for fleire vikarar som lege i spesialisering 2/3, i 100 % stilling frå 1. januar 2024. Vikariat av 6 månaders lengde med høve til forlenging. Vikariat kan telje som del av spesialistutdanning i patologi. 

Avdelinga diagnostiserer 55 000 biopsiar og 65 000 cytologiske prøvar kvart år. Det blir utført om lag 60 000 immunhistokjemiske undersøkingar, og om lag 350 obduksjonar årleg. Avdeling for patologi er del av eit nasjonalt satsingsprosjekt innan digital patologi.

Det er i overkant av 120 tilsette på avdelinga, derav 30 overlegar og 12 legar i spesialisering. Vi er heldige som har engasjerte og trivelege tilsette, og vi søkjer etter medarbeidarar som kan like seg i eit hektisk og spennande arbeidsmiljø. Her vil du få ei viktig rolle og høve til å vere i kontinuerleg utvikling. Vi ser etter deg som har evne til å arbeide målretta og som set fagleg kvalitet høgt.

Patologi er ei kjerneverksemd i diagnostikk av kreft og annan sjukdom. Faget er i rask utvikling. Avdelinga har omfattande diagnostiske funksjonar og dekkjer alle fagområda innanfor patologi. Kandidaten vil få ein overlege som rettleiar i spesialistutdanninga i patologi. Fleire av overlegane har bistilling på Universitetet i Bergen, og det er eit tett samarbeid med tilsette på universitetet. Her er det derfor gode moglegheiter til forsking og utviklingsarbeid.

Ved tilsetjing vil personlege eigenskapar og evne til å samarbeide bli vektlagd.

Arbeidsoppgåver

• Den som blir tilsett skal delta i det diagnostiske arbeidet med biopsiar, cytologiske prøvar og obduksjonar i rotasjon med dei andre spesialistkandidatane
• Arbeidstida er måndag til fredag 0800-1600

Kvalifikasjonar

• Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggast til grunn for tilsetting i LIS -stilling i patologi
• Patologifaget krev solid kunnskap innanfor dei medisinske basisfaga anatomi, histologi, fysiologi, biokjemi og molekylærbiologi
• Erfaring frå klinisk verksemd kan vere nyttig
• Det vil bli lagt vekt på erfaring frå patologifaget og relevant forskingserfaring
• Den som blir tilsett må kunne kommunisere godt på norsk eller skandinavisk språk, både skriftleg og munnleg

Personlege eigenskapar

• Stillinga passar for ein lege som har som mål å utvikle høg fagleg kompetanse

Den som blir tilsett må vise:

• Gode samarbeidsevner
• Stor vilje til å tileigne seg teoretisk og praktisk kunnskap
• Evne til å arbeide ansvarleg, nøyaktig, effektivt og etterretteleg
• Ein forventar jamn progresjon i spesialistutdanninga, til ferdig spesialist i løpet av om lag fem år

Vi tilbyr

• Ein vil få ein personleg rettleiar og delta i avdelinga sitt utdanningsprogram
• Gode pensjons- og forsikringsordningar
• Høgt fagleg nivå
• Eit engasjert og godt arbeidsmiljø med kompetente og stolte medarbeidarar
• Eit meiningsfylt arbeid som gjev personleg utvikling
• Ein viktig og interessant jobb i norsk helsevesen

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.