Overlege/bedriftslege

Bedriftshelsetenesta i Helse Bergen har ledig 100% fast stilling og søker etter ein dyktig bedriftslege som ønsker bruke sin erfaring og kunnskap i eit fagmiljø som prioriterer førebygging. Som tilsett hos oss kan du bidra til å skape eit trygt og helsefremmande arbeidsliv.

Bedriftshelsetenesta (BHT) bistår Helse Bergen i arbeidet med å skape sunne og trygge arbeidsplassar i sjukehuset. BHT er ein fagkyndig og rådgivande teneste innan førebyggande helse-, miljø- og sikkerheitsarbeid. Vi er ei tverrfagleg samansett gruppe av rådgivarar som ivaretar områda innanfor: arbeidsmedisin, fysisk og kjemisk arbeidsmiljø, psykososialt og organisatorisk arbeidsmiljø, smittevern for tilsette, ergonomi og systematisk HMS-arbeid.

BHT har for tida 9 medarbeidarar beståande av bedriftslege, bedriftsjordmor, bedriftssjukepleiarar, bedriftsfysioterapeut og yrkeshygienikar. BHT er del av Personal- og organisasjonsavdelinga der over 70 kollegaer tilbyr rådgiving og utviklingsstøtte på heile HR-området.

Arbeidsoppgåver

• Førebygge og følge opp arbeidsrelaterte helseplagar (sjukdommar og skadar)
• Støttesamtalar med tilsette
• Gi råd om nærværsfremmande tiltak på individ- og gruppenivå
• Rådgjeving og oppfølging av sjukefråvær
• Rådgjeving og opplæring til einingar innan arbeidshelse og systematisk HMS
• Deltaking i eller leiing av relevante prosjekt
• Utarbeiding og vidareutvikling av rutinar og metodar for kartlegging, evaluering og intervensjon knytt til uheldige arbeidsmiljøtilhøve
• Bedriftslege skal sjå til at det medisinske arbeidet i Bedriftshelsetenesta er i tråd med faglege reglar og normer
• Deltakelse i arbeidsmiljøutval
• Smittevern og yrkesvaksinasjon
• Målretta helsekontrollar

Kvalifikasjonar

• Vi søker fortrinnsvis etter lege som er spesialist eller er under spesialisering i arbeidsmedisin
• Ha grunnkompetanse og interesse innan førebyggande arbeidsmiljøarbeid
• Vera kjend med arbeidshelse i tilknyting til døgnkontinuerlege arbeidstidsordningar
• Ein fordel med erfaring frå store og komplekse organisasjonar, gjerne innan spesialisthelsetenesta
• Ha kjennskap til arbeidsmiljølova inkludert forskrifter og anna relevant lovverk
• God skriftleg og munnleg formidlingsevne
• Kjenne til bruk av helsejournal og handeting av avvik
• Erfaring med å jobbe tverrfagleg/i team

Personlege eigenskapar

• Du samarbeider godt med andre og har gode kommunikasjonsevner
• Du arbeider systematisk, analytisk, nøyaktig, målretta og har god gjennomføringsevne
• Du er serviceinnstilt, fleksibel og omgjengeleg
• Du jobber sjølvstendig og tar ansvar for at jobben blir gjort
• Du har ein positiv haldning til å tileigne deg og dele kunnskap

Vi tilbyr

• Varierte og sjølvstendige arbeidsoppgåver
• Eit godt arbeidsmiljø med høg tverrfagleg kompetanse
• Ei viktig rolle på ein arbeidsplass med eit stort samfunnsoppdrag
• Lønn etter avtale
• Gode pensjons- og forsikringsordningar

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Helse Vest ønsker å legge til rette for inkluderande rekruttering.