Overlege i psykiatri -psykosepoliklinikken Haugaland DPS.

Kort om arbeidsgiver

Psykosepoliklinikken ved Haugaland DPS søker etter Overlege i psykiatri til å jobba saman med oss i eit spennande fagmiljø som er i utvikling. Psykosepoliklinikken har vore i vekst dei siste åra og vi har over lengre tid hatt fokus på å betre behandlingstilbodet og vi kan no tilby eit breitt behandlingstilbod til
pasientane våre, i tråd med nasjonale føringar. Poliklinikken har òg eit sterkt fokus på brukarmedverknad ved val av behandlingstilnærming.

Psykosepoliklinikken har eit eige utgreiingsteam som i hovudsak består av psykologar og legar, som skal sikra at pasientane blir tilbydd heilskapleg og evidensbasert utgreiing, med fokus på brei differensialdiagnostikk og tydeleg definert link mellom utgreiing, diagnose og behandlingstilbod. Av behandling tilbyr vi medikamentell behandling og psykoterapi /samtalebehandling. Vidare blir det gitt tilbod om familiearbeid, IMR - grupper, musikkterapi og livsmestringsgrupper. Poliklinikken har òg eit
samarbeid med NAV der alle pasientar blir tilbodne Individuell jobbemestring (IPS) som del av behandlinga.

Opptaksområdet til psykosepoliklinikken er kommunane Haugesund, Karmøy, Sauda, Suldal, Vindafjord, Tysvær, Bokn og Sveio. Psykosepoliklinikken har implementert ACT - team saman med Haugesund kommune og er i ein prosjektperiode med middel frå Helsedirektoratet der poliklinikken kan tilby FACT
oppfølging til dei resterande kommunane i opptaksområdet. Overlegen som blir tilsett bør førebu seg på at delar av stillinga vil være knytt til FACT, i tillegg til ordinær poliklinikk. I psykosepoliklinikken er vi òg i gang med eit kvalitetsbetringsprosjekt som vil føregå dei neste åra for å sikra tydelegare implementering av nasjonale føringar og god klinisk praksis i utgreiing og behandling av psykoselidingar. Søkarar som er interesserte i forsking kan få moglegheit til å delta i kvalitetsbetringsprosjektet, eller delta i andre forskningsrelaterte aktivitetar, inkludert artikkelskriving. Det er fleire moglegheiter for å fullføra spesialistoppgåve innanfor den pågåande forskinga og det kan drøftast moglegheiter for å søka middel til PhD innanfor eksisterande prosjekt.

Haugaland DPS har eit robust fagmiljø med overlegar i psykiatri, psykologspesialistar, legar og psykologar under spesialisering, og dessutan høgskuleutdanna med vidareutdanning. Haugaland DPS inngår i klinikk for psykisk helsevern saman med Stord og Folgefonn DPS og to avdelingar for spesialisert behandling: Valen og Haugesund. Det er eit godt samarbeid internt i klinikken og også med eksterne fagmiljø og samarbeidspartnarar. Vi gir eit breitt behandlingstilbod som famnar rusbehandling (TSB) i poliklinikk og døgn, allmennpsykiatriske poliklinikkar, ACT og psykose-team, akutt ambulant team (AAT) og dessutan ulike døgnbehandlingstilbod innan psykisk helsevern.

Haugesund ligg sentralt plassert på Vestlandet med kort veg til vakre naturopplevingar på havet og i fjellet. Byen har eit rikt kulturliv med kjente festivalar som Sildajazz og filmfestivalen. Regionen er sterk på maritim verksemd, og her finn du solide næringslivsaktørar, gründerar og store statlege instansar som Sjøfartsdirektoratet og Kystverket. Høgskulen på Vestlandet har to campus i området vårt, Haugesund og Stord. Dei tilbyr utdanning innan helsefag, økonomi/administrasjon, HMS, ingeniør og sjøfart. Vi har kort veg til storbyane Bergen og Stavanger, og den lokale flyplassen vår har gode forbindelsar med daglege avgangar til inn- og utland.

Intervju kan bli gjennomført fortløpande i utlysningsperioden.
Les meir om klinikken på https://helse-fonna.no/avdelingar/klinikk-for-psykisk-helsevern.

Arbeidsoppgåver

Utgreiing, diagnostisering og behandling av pasientar
Tverrfaglig klinisk arbeid i team
Rettleiing og internundervisning
Moglegheit for deltaking i felles bakvaktsordning med Haugesund sykehus
Deltaking i samhandling med pårørande, kommunehelsetenesta og andre samarbeidspartar

Kvalifikasjonar

Norsk autorisasjon
Godkjent spesialisering i psykiatri
Må beherske godt norsk både munnleg og skriftleg

Personlege eigenskapar

Pasientorientert
Strukturert
God kommunikasjonsevne
Vere ein god teamarbeidar
Må trivast i eit aktivt miljø med varierte utfordringar
Gode samarbeidsevner

Vi tilbyr

Lønn i samsvar med gjeldande overeinskomst
Medlemskap i pensjonsordning, 2% pensjonstrekk, yrkesskade forsikring, gruppelivsforsikring og tjenestereiseforsikring
En arbeidsplass som er i inkluderande arbeidsliv-bedrift (IA-bedrift)
Kompetanseutvikling og vidareutdanning
Mulighet for deltaking i prosjekt og kvalitetsutvikling
Sterkt faglig fellesskap med godt arbeidsmiljø
For å kunne vurdere fortrinnsrett til stilling, må søkjer gi til kjenne dette i søknaden

Mangfoldserklæring:
Foretaksgruppa i Helse Vest ønsker å spelle mangfoldet i befolkninga i rekrutteringa vår. Vi oppfordrer alle som er kvalifiserte til å søke ledige stillinger uansett kjønn, alder, funksjonshemming og flerkulturell bakgrunn. Det same gjeld dersom en har hatt et lengre opphold fra arbeidslivet. Foretaksgruppa i Helse Vest ønsker å legge til rette for inkluderende rekruttering.