Fastlege

Time kommune søker etter ein fastlege til nyoppretta heimel ved Sandtangen legesenter på Bryne.

Sandtangen legesenter er sentralt plassert i sentrum av Bryne, like ved togstasjonen.
Legesenteret består av 7 fastlegar, både spesialistar i allmennmedisin og legar under spesialisering.
Me har eit inkluderande arbeidsmiljø der trivsel i arbeidskvardagen står i fokus, anten det gjeld det faglege eller det sosiale. Legar i spesialisering får god rettleiing og supervisjon, med låg terskel for å drøfte ting i kollegiet.

Me har eit fantastisk hjelpepersonell som består av sjukepleiarar, bio-ingeniør og helsesekretær. Desse er svært veldrevne og sjølvstendige i sine arbeidsoppgåver.
Legekontoret er moderne utstyrt i flotte lokale. Me har blant anna EKG, spirometri og ultralyd som brukast i den diagnostiske kvardagen.   
Legesenteret har Webmed som journalsystem. Dette er eit svært godt journalsystem, som er enkelt å setta seg inn i.

Time kommune vil legga til rette for næringsdrift. Oppstart etter avtale. Søkjarar kan verta kontakta fortløpande.

Arbeidsoppgåver

• Følgja opp pasienter på liste
• Legevakt ca. 32 delt i Klepp (kveld/helg) og ca. 60 delt i Hå (natt)
• Andre kommunale legeoppgåver i inntil 20 % stilling kan vera aktuelt
• Delta i administrative oppgåver ved felles drift av legesenteret

Kvalifikasjonar

• Lis 3 eller spesialist i allmennmedisin
• Norsk autorisasjon og refusjonsrett
• Beherska norsk munnleg og skriftlig minst på nivå B2.
• Krav om politiattest

Personlege eigenskapar

• Interessert i allmennmedisin
• Strukturert og sjølvstendig
• God på samhandling og samarbeid
• Bidra til eit godt arbeidsmiljø

Me tilbyr

• ALIS-tilskot under spesialiseringa
• Grunntilskot for 800 pasientar
• Etableringstilskot på 300 000
• Rettleiing under spesialiseringa
• Økonomikurs i regi av Skape
• Eit godt fagleg arbeidsmiljø
• Kjekke kollegaer