Vi søkjer ein engasjert overlege med fagleg teft og gode samarbeidsevner til poliklinikken vår i Molde!
Poliklinikken TSB Molde kan tilby ei fast stilling som overlege med berre dagvakter. Som overlege blir du del av ein fagleg engasjert og glad kollegagjeng som består av bl.a. psykologspesialist, sosialarbeidarar med vidareutdanning, spesialsjukepleiar, spesialpedagogar, familieterapeut og LIS. TSB avd. er opptatt av fagleg utvikling, og har fleire pågåande forskingsprosjekta knyta til PhD-løp.

Avdeling TSB gjev tverrfagleg spesialisert behandling til vaksne med rus- og avhengigheitslidingar. Individuelt tilpassa behandling vert gjeve i form av poliklinisk oppfølging, avrusing (akutt og elektiv) samt døgnbehandling. Avdelinga består av fem ulike seksjonar lokalisert både i Ålesund og Molde. I tillegg gjev avdelinga tilbod om Legemiddelassistert rusbehandling (kjent som LAR) lokalisert i Kristiansund. For å sikre heilskaplege og koordinerte tenester samarbeider TSB med ulike eksterne instansar. I tillegg tilbyr TSB eigen poliklinisk oppfølging til pårørande.

Arbeidsoppgåvene omfattar utgreiing og behandling av avhengigheitslidingar, men i mange høve inkluderer dette også tilleggslidingar som psykisk helse og somatiske utfordringar. TSB-avdelinga har per i dag 4 overlegar med spesialitet i rus- og avhengigheitsmedisin. I tillegg er det 6 legar som har starta på LIS-løp. Det er tett medisinskfagleg samhandling internt i helseforetaket, samt lokale faglege møtepunkt for legar i avd. TSB.

Molde er rosene, jazzen og kulturen sin by! Og ikkje minst eit eldorado for naturopplevingar og aktivitetar. Byen er barnevennleg med nærleik til skule, barnehage og fritidstilbod. Molde har fleire daglege flyavgangar til Oslo og internasjonale ruter.
Les meir om Molde og Romsdal her: https://www.visitnorway.no/

Arbeidsoppgåver

Mottak og innkomst av nye pasientar
Medisinsk oppfølging og behandling av pasientar
Diagnostikk
Medikamentvurdering
Utgreiingsarbeid
Tverrfagleg samarbeid både internt og eksternt
Undervisning og rettleiing

Kvalifikasjonar

Norsk autorisasjon som lege
Primært ynskjer vi lege med spesialitet i rus- og avhengigheitsmedisin, men også psykiater, allmennspesialist og LIS mot slutten av spesialistløpet er aktuelle søkjarar
Gode norskkunnskapar, muntleg og skriftleg

Personlege eigenskapar

Gode samarbeidsevner og kunne arbeide tverrfagleg
Kunne jobbe sjølvstendig
Ha et genuint ynskje om å gjere ein forskjell for menneske i vanskelege livssituasjonar
Å vere personleg eigna vert tillagt stor vekt

Vi tilbyr

Konkurransedyktige lønsvilkår etter gjeldande overeinskomstar
Rekrutteringstillegg
Varierende og spannande arbeidsoppgåver
Eit sterkt fag- og forskningsmiljø (fleire pågåande forskningsprosjektar)
Studiepermisjon 4 mnd. kvart 5. år for spesialistar
Internundervisning og faggrupper på tvers av seksjonane
Etablert rettleiingsordningar for legar i TSB
Avdelinga har stort fokus på videreutvikling av terapi - og traumemetodikk
Ingen vaktbelastning for legar i poliklinikk
Stor grad av sjølvstendigheit og moglegheit for eigen utvikling av fagleg interessefelt som tangerer med TSB
Sterkt tverrfagleg samarbeid
Ein inkluderande arbeidsplass og godt kollegialt miljø
Dekning av flytteutgiftar etter gjeldande regler
Medlemskap i god offentleg pensjonsordning og fordelaktige forsikringsvilkår