Stord sjukehus har ledig stilling for overlege i hjertesykdommer og/eller spesialist i generell indremedisin
Medisinsk avdeling ved Stord sjukehus har årleg omlag 3.650 innleggingar, 9.000 polikliniske konsultasjonar og 1.500 dagpasientar.
Avdelinga har 8 overlegestillingar som dekker spesialitetane lungesykdommer, nyresykdommer, hjertesykdommer og fordøyelsesykdommer. Avdelinga har 3-skikta vaktordning, med overlege i tertiervakt bak LIS1 og LIS 2/3. I tilegg til overlegestillingane er det 9 LIS 2 og 6 LIS 1. Det er 32 senger fordelt på 2 sengepostar + 3 senger i observasjonspost, akuttmottak, felles intensivavdeling og dialyse samt poliklinikk.
Stord sjukehus er ein del av Helse Fonna HF . Sjukehuset har gode støttetenester innanfor anestesi, intensiv/post opr., radiologi med CT- og MR lab., fysioterapi avdeling og laboratorium med blodbank. Stord sjukehus har full akuttberedskap innan medisin, kirurgi, føde, gynekologi og anestesi. Opptaksområdet er på om lag 50.000 innbyggjarar, fordelt på fem kommunar.
Stord har flott natur som gjev særs gode høve til naturopplevingar og aktivitetar for born og vaksne innan ei heil mengd ulike idrettar. Kulturlivet er rikt og variert, og det er eit godt utbygd skuletilbod med vidaregåande skule og høgskule. Det er god kommunikasjon nordover til Bergen/Flesland og sørover til Haugesund og Stavanger. Stord har flyplass med dagleg avgang til Oslo, ca. ein times reisetid.
Helse Fonna ønsker å investere i deg. Det som er viktig for deg er viktig for oss!
Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.