Stryn tilbyr:

• Unike naturopplevingar, sommar og vinter
• Attraktive tomter
• Aktivt idrettsmiljø
• God barnehagedekning
• Grunnskular, vidaregåande skule
• Kulturhus, kulturskule, symjehall og idrettshall
• Variert foreiningsliv
• God tilgang på næringsområde med infrastruktur

I Stryn er det tett mellom kjekke og lett tilgjengelege opplevingar. Heile året er det arrangement, som sykkelfestival, Gummibåtfestival, Motorfestival, Oktoberfest, Strynemessa, Treskifestival, Rando 3000 og Skåla Opp. I 2019 blir det også visefestival. - Med andre ord litt for einkvar smak.
Dugnadsånda står sterkt, det gjev gode oppvekstvilkår som igjen gjer Stryn til ein attraktiv kommune å stifte familie i.

Dei viktigaste attraksjonane i Stryn kommune er Briksdalsbreen i enden av Oldedalen og Loen Skylift i Loen som opna i 2017.  Jostedalsbreen nasjonalparksenter ligg i Oppstryn og på nordsida av fjorden ligg Panoramavegen. Lodalen er også ein populær attraksjon med ei dramatisk rashistorie. Nasjonal turistveg Gamle Strynefjellsvegen går mellom Stryn og Skjåk, og langs vegen ligg Stryn sommarski. 

Stryn er ein kommune med variert arbeidsliv, med lang tradisjon innan jordbruk. Men vi har også eit nyskapande næringsliv, der fleire bedrifter har jobba seg opp til millionbedrifter. Stryn er eit ope og mangfoldig samfunn der det blir lagt vekt på eit aktivt næringsliv. Stryn legg til rette, får til mykje og ønskjer nye bedrifter velkomne. Resultatet blir ein spennande arbeidsmarknad.

Les meir om kommunen på www.stryn.kommune.no