Fastlege

Time kommune søkjer etter fastlege til etablert heimel med 960 pasientar, ved Sandtangen legesenter på Bryne. Det er ønskeleg med næringsdrift, men midlertidig  kommunal tilsetjing er mogleg. 

Sandtangen legesenter er sentralt plassert i sentrum av Bryne, like ved togstasjonen.
Legesenteret består av 7 fastlegar, både spesialistar i allmennmedisin og legar under spesialisering.
Me har eit inkluderande arbeidsmiljø der trivsel i arbeidskvardagen står i fokus, anten det gjeld det faglege eller det sosiale. Legar i spesialisering får god rettleiing og supervisjon, med låg terskel for å drøfte ting i kollegiet.

Me har eit fantastisk hjelpepersonell som består av sjukepleiarar, bio-ingeniør og helsesekretær. Desse er svært veldrevne og sjølvstendige i sine arbeidsoppgåver.
Legekontoret er moderne utstyrt i flotte lokale. Me har blant anna EKG, spirometri og ultralyd som brukast i den diagnostiske kvardagen.   
Legesenteret har Webmed som journalsystem. Dette er eit svært godt journalsystem, som er enkelt å setta seg inn i.

Oppstart 01.12.2025

Arbeidsoppgåver

• Følgja opp pasienter på liste
• Legevakt ca. 32 delt i Klepp (kveld/helg) og ca. 60 delt i Hå (natt)
• 3,5 timer helsestasjonsarbeid i veka, ved Bryne helsestasjon
• Andre kommunale legeoppgåver i inntil 20 % stilling (totalt) kan vera aktuelt
• Delta i administrative oppgåver ved felles drift av legesenteret

Kvalifikasjonar

• Gjennomført Lis1 teneste
• Norsk autorisasjon og refusjonsrett
• Erfaring frå kommunehelseteneste i Norge er ønskelig
• Beherska norsk munnleg og skriftlig minst på nivå B2.
• Krav om politiattest

Personlege eigenskapar

• Interessert i allmennmedisin
• Strukturert og sjølvstendig
• God på samhandling og samarbeid
• Bidra til eit godt arbeidsmiljø

Me tilbyr

• ALIS-tilskot under spesialiseringa
• Etableringstilskot på 350 000
• Rettleiing under spesialisering
• Eit godt fagleg arbeidsmiljø
• Kjekke kollegaer