Barne- og ungdomsklinikken (BUK) er landets nest største barneavdeling, regionsjukehus på Vestlandet og førande i behandling av barnesjukdommar. Vi skal dekke lokale, regionale og enkelte nasjonale behov for spesialisthelsetenester for barn og unge inntil fylte 18 år, og er lokalisert i Glasblokkene ved Haukeland universitetssjukehus.
Hausten 2023 samla vi all utgreiing, behandling og oppfølging av barn innan somatikk og psykisk helsevern og flytta saman i Glasblokkene. Dette vil gje nye og spennande moglegheiter for framtida. Vi har eit kontinuerleg fokus på utvikling, samhandling og forbetring.
BUK har 67 senger fordelt på fem seksjonar: Nyføddintensiv, Medisin A, Medisin B, Medisin C og Barnekirurgi. I tillegg har vi Seksjon for legar, Seksjon for merkantile tenester, Energisenteret, Habiliteringstenesta og Stab. I 2023 hadde vi totalt 350 årsverk, om lag 4 000 innleggingar og 33 000 polikliniske konsultasjonar.
Barne- og ungdomsklinikken (BUK) søker etter ny overlege i 100% fast stilling ved seksjon for nevrologi og habilitering grunna opptrapping i habiliteringstenesta.
Ved seksjon for nevrologi og habilitering for barn og unge arbeider i dag 8 overlegar. I seksjonen arbeider legane med alle deler av
barnenevrologi inkludert habilitering. Barne og ungdomsklinikken er tildelt regional behandlingslinje for erverva hjerneskade. Seksjonen har legar med
spesialkompetanse innan spastisitetsbehandling/Botox og Baklofen. Sjukehuset
har eit moderne ganglaboratorium. Vi har tilgang til det nye Energisenteret
for barn og unge i Glasblokkene. I samarbeid med UiB driv vi med
aktiv forsking innan ulike område inkludert nevrometabolske og mitokondrielle
sjukdomar.
Vi søker etter ein overlege i 100% klinisk stilling som er spesialist i pediatri og som skal ha særleg ansvar for
pediatrisk nevrologi og habilitering. Vi søker ein engasjert lege som saman med kollegaer skal bidra til at Barne- og ungdomsklinikken i Bergen tilbyr barn og unge diagnostikk og
behandling av internasjonal standard. Seksjonen ønsker barnelege med erfaring innan barnenevrologi og habilitering og som har vist interesse for faget over tid.
Legar i sluttfase av spesialistutdanning er velkomne til å søke på stillinga i eit vikariat med moglegheit for forlenging. Det ønskelig med tidlig oppstart i vikarat / fast stilling.
Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.