Helse Bergen, Haukeland universitetssjukehus har ledig vikariat i 6 månader for lege i spesialisering i thoraxkirurgi. Cand.med. utan LIS1-teneste kan også søke å bli vurdert dersom det ikkje er kvalifiserte søkarar. Vikariatet kan telle som del av spesialistutdanninga.
Hjarteavdelinga ved Haukeland universitetssjukehus er ei spesialavdeling der all utgreiing og behandling av hjartesjukdommar er samla. Hjarteavdelinga driv med høgt spesialisert verksemd innan følgande område: Ikkje-invasiv-diagnostikk og behandling, thoraxkirurgi,intensivmedisin og overvaking, pacing og hjartesvikt, tachyarytmi, preventiv kardiologi og kongenitt kardiologi. Utviklinga innan behandlingsmetodar er framtredande og forskingsaktiviteten er høg. Avdelinga har 2 store sengepostar, ei intensiv- og overvakingseining samt fleire spesiallaboratorium og poliklinikk.
Thoraxkirurgisk seksjon tar hand om om lag 1000 inneliggjande pasientar årleg,og har i tillegg poliklinisk verksemd. Det blir utført om lag 700 operasjonar med bruk av ekstrakorporeal sirkulasjon årleg. Innanfor non-kardial kirurgi,der lungekirurgi, mediastinal kirurgi og pectusoperasjoner dominerer, vert det no årleg gjort om lag 300 operasjonar. Vidare har sjukehuset regionalt traumesenter som gjev aukande krav til verksemda. Seksjonen har 7 overlegestillingar og 6 LIS stillingar.
Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.