Overlege, Spesialist i pediatri, ansvar innan hormon og stoffskiftesjukdommar

Barne- og ungdomsklinikken (BUK) er landets nest største barneavdeling, regionsjukehus på Vestlandet og førande i behandling av barnesjukdommar. Vi skal dekke lokale, regionale og enkelte nasjonale behov for spesialisthelsetenesta for barn og unge inntil fylte 18 år, og er lokalisert i Glasblokkene ved Haukeland universitetssjukehus.

Vi har eit kontinuerleg fokus på utvikling, samhandling og forbetring, og nyleg samla vi all utgreiing, behandling og oppfølging av barn innan somatikk og psykisk helsevern i Glasblokkene. Dette gir nye og spennande moglegheiter for framtida.

BUK har 67 senger fordelt på fem seksjonar: Nyføddintensiv, Medisin A, Medisin B, Medisin C og Barnekirurgi. I tillegg har vi Seksjon for legar, Seksjon for kontor, Energisenteret, Habiliteringstenesta og Stab. I 2023 hadde vi totalt 350 årsverk, om lag 4 000 innleggingar og 33 000 polikliniske konsultasjonar.

Les meir om oss:  Barne- og ungdomsklinikken

Seksjon for legar ved BUK lyser ut ei 100% overlegestilling ved Seksjon for hormon og stoffskiftesjukdommar. BUK har ansvar for alle endokrinologiske og metabolske sjukdommar i barne og ungdomsalderen. På seksjonen arbeider i dag 8 overlegar i ulike stillingsstorleikar derav 4 med professorkompetanse. I samarbeid med UiB driv vi mellom anna forsking på overvekt, vekst, arveleg diabetes og medfødd hyperinsulisme. BUK har eit delt nasjonalt ansvar for utgreiing og behandling av barn med uavklart kjønnsidentitet. Vi driv ein poliklinikk for overvekt i tverrfagleg utviklingsarbeid. Vi har ansvar for over 300 barn og ungdomar med diabetes til 18 års alder. Vi har ei ny nasjonal teneste for hyperinsulinisme. BUK driv saman med UiB eit Mohn Forskingssenter for diabetes presisjonsmedisin som mottar tilvisingar for pasientar med arveleg diabetes frå heile Noreg og driv med klinisk og eksperimentell forsking.

Vi søker etter ein overlege i 100% klinisk stilling som er spesialist i pediatri og som skal ha særleg ansvar for pediatrisk endokrinologi og metabolisme. Legestillinga skal vere tett knytta til diabetesteamet. Vi treng ein engasjert lege som saman med seksjonsoverlegen skal bidra til at den nye Barne- og ungdomsklinikken i Bergen tilbyr barn og unge diagnostikk og behandling av internasjonal standard. Den som blir tilsett må kunne arbeide sjølvstendig ved seksjonens poliklinikk og sengepost.

Arbeidsoppgåver

• Du vil ha dag-til-dag ansvar for behandling av inneliggande pasientar og ansvar for oppfølginga av dei
• Du vil arbeide både på sengepost, dagpost, poliklinikk, poliklinikk for overvekt og v diabetespoliklinikk
• Du vil inngå i eit tverrfagleg team med tett samarbeid ved diabetes, inkludert gruppekonsultasjonar
• I stillinga inngår vaktteneste p.t. 12-delt tilstade bakvakt
• Du vil vera delaktig i undervisning og rettleiing av legar, studentar og andre personellgrupper

Kvalifikasjonar

• Vi legg vekt på klinisk erfaring og fungering, særleg innan diabetes, endokrinologi og metabolisme. Det blir spesielt lagt vekt på erfaring med insulinpumper,  teamarbeid og ungdomsmedisin
• Vaktkompetanse for tilstade bakvakt, må kunne meistre arbeid på nyføddintensiv på vakttid
• Norsk autorisasjon som lege
• Du må meistre norsk/ skandinavisk språk munnleg og skriftleg
• God skriftleg dokumentasjonsevne
• Søkarar med bakgrunn innan forsking vil bli vektlagt
• Vedkommande som får tilbod om tilsetting må legge fram godkjend politiattest (vandel), jf. Lov om helsepersonell §20a 
  

Personlege eigenskapar

• Gode samarbeidsferdigheiter og ønske om å vere ein del av eit tverrfagleg team
• Du har motivasjon for å arbeide i 100% stilling med barn og ungdommar 
  
• Du vil treffe barn og ungdommar i vanskelege situasjonar og det er viktig at du har kompetanse/erfaring med mellommenneskelege relasjonar
  
• Du har god fagleg vurderingsevne og arbeider strukturert og målretta på jobb
• Du etablerer gode samarbeidsrelasjonar til alle nødvendige yrkesgrupper og samarbeidspartnarar
• Du har oversikt over eigne arbeidsoppgåver også under skiftande omstende
• Du har eit godt lag og får fram det beste i dei andre
  

Vi tilbyr

• Godt arbeidsmiljø prega av kompetente medarbeidarar som er opptekne av å gjere ein god jobb
• Løn i samsvar med gjeldande overeinskomst
• Gode pensjons- og forsikringsordningar
  
• Eit rikhaldig bedriftsidrettstilbod

Vi oppfordrar alle søkarar til å nytte Vitnemålsportalen for å laste opp vitnemål og karakterutskrifter.         
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemålsportalen.no. Har du har tatt utdanning i utlandet, må du legge ved godkjenning frå UDIR/Direktoratet for høgare utdanning og kompetanse (HR-dir) i søknaden. Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.