Lege i spesialisering Barnesjukdommar - LIS3

Vi har ledig stilling for lege i spesialisering innan barnesjukdommar!

1 x 100% vikariat til og med 31.08.25, oppstart etter avtale, moglegheit for forlenging. Ved intern tilsetjing kan andre vikariat bli ledig

Er du nysgjerrig på korleis det er å jobbe med barn eller har lyst til å auke kompetansen i barne- og ungdomsmedisin? Nå har du moglegheit til bli kjent med barnemedisinen i trygge omgivelser i vår flotte avdeling! Vi har høgt fokus på trygg og forsvarleg spesialistutdanning. LIS deltar på kurs etter plan og får også delta på nasjonale møter i barnemedisin. Vi er ei avdeling med mykje aktiv forsking og legg til rette for forsking ved sida av klinikk. Vi har eit godt og inkluderande arbeidsmiljø.

Avdeling for barnemedisin og habilitering har ansvar for barnemedisinske pasientar frå GA 26 veker - 18 år i heile fylket. Vi har spesialistar som dekkjer alle subspesialitetar innan barnesjukdomar. Avdelinga har til saman seks seksjonar som er lokalisert i Ålesund, Molde og Kristiansund.

I Ålesund finn ein sengepost for barn og ungdom, nyfødd intensiv, dagbehandling og poliklinikk for barn og ungdom og habiliteringseining. Avdelinga i Ålesund er lokalisert i eit eige bygg og er organisert som eit barnesenter. Vi har her tre vaktsjikt: primærvakt, generell bakvakt og tertiærvakt for neonatolog. Primærvakt er for tida 8-delt, generell bakvakt 9 delt og tertiærvakt nyfødtmedisin 5 delt. 

Du er velkomen som søkjar!

Vi ber om attestar og vitnemål vert lasta opp som vedlegg til søknaden din.

Arbeidsoppgåver

• Delta i avdelinga si gjeldande vaktordning
• Delta i dagleg postarbeid og poliklinikk

Kvalifikasjonar

• Søkjarar må ha norsk autorisasjon som lege
• Godkjent del 1 av spesialistutdanninga (LIS 1) eller turnusteneste etter gammal ordning
• Mestre norsk språk, både skriftleg og munnleg

Personlege eigenskapar

Du har gode evner til tverrfagleg samarbeid og samhandling med kollegaer og samarbeidspartnarar.
Å vere personleg eigna vert vektlagt ved tilsetting.

Vi tilbyr

• Eit triveleg arbeidsmiljø
• Høgt fagleg nivå
• Fokus på god spesialistutdanning
• Deltaking på utdanningskurs etter plan og deltaking på kurs arrangert av Barnelegeforeningen
• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir her!