Rådgivande overlege

Forlenget søknadsfrist
Vi har ledig ein 50 % fast stilling som rådgivande overlege. Arbeidsstad er ved avdelinga vår i Bergen og det forventes nærvær i avdelinga innanfor ordinær arbeidstid.

Rådgivande overlege er ei støtte for saksbehandlarane i deira medisinske vurderingar. Ved behov skal saksbehandlar diskutere saka med rådgivande overlege. Dette skjer enten ein til ein, eller i saksdrøftingsverkstad. Når vurderinga frå rådgivande overlege er eigna til å ha betydning i saka, må uttalen gjerast skriftleg.

NAV Klageinstans har i dag ni overlegar i ulike stillingsstørrelse, til saman ca. 5,4 årsverk. Desse har kontorstad i ein av våre seks avdelingar. Våre rådgivande overlegar har ulike spesialitetar og erfaringsbakgrunn. Vi har eit godt miljø, både fagleg og sosialt, og møtes regelmessig for å drøfta ulike trygdemedisinske problemstillingar. Sjølv om våre rådgivande overlegar er spreidd ut i våre seks avdelingar, så bistår dei kvarandre på tvers for å utgjevne arbeidsbelastning og bruka spesialitetane til kvarandre. 

Arbeidsoppgåver

• være ein medisinsk ressurs for saksbehandlarane
• gi trygdemedisinsk rådgivning, både skriftleg og munnleg, i enkeltsaker
• gi rettleiing og undervisning av dei tilsette og samarbeidspartnarane til etaten
• gi systematiske tilbakemeldingar i organisasjonen
• gi medisinske vurderingar i saker for Lagmannsretten og stille som sakkunnig vitne for staten i aktuelle saker

Kvalifikasjonar

• medisinsk embetseksamen med gyldig norsk autorisasjon
• ønskeleg med spesialitet og fleire spesialitetar kan vurderast, mellom anna psykiatri. Også andre spesialitetar som t.d. nevrologi, fysikalsk medisin, arbeidsmedisin og allmennmedisin kan vera aktuelle
• erfaring frå  klinisk arbeid er ønskeleg
• må beherske norsk godt, både munnleg og skriftleg

Personlege eigenskapar

• gode samarbeidsevner
• strukturert og med god arbeidskapasitet
• interesse for trygdemedisin

Vi tilbyr

• spennande og meiningsfylte arbeidsoppgåver innanfor eit viktig samfunnsområde
• aktive og engasjerte kollegaer
• lønn kr. 1.120.000 til 1.220.000 tilsvarande 100 % stilling i stillingskode 0207 Overlege
• moglegheiter for fagleg påfyll og utdanningspermisjon
• for fastlege eller spesialist med driftsavtale blir det tilstått praksiskompensasjon etter Særavtale for leger i Arbeids- og velferdsetaten
• vi ber om at du legg relevante vitnemål og attestar ved søknaden