Overlege hyperbar oksygenbehandling og sjøfartsmedisin

Har du klinisk spesialitet og lyst til å lære meir om hyperbar oksygenbehandling og sjøfartsmedisin? Yrkesmedisinsk avdeling har ledig ei kombinasjonsstilling med 50% klinisk arbeid ved Seksjon for hyperbarmedisin og 50% arbeid ved Norsk senter for maritim medisin og dykkemedisin (NSMDM), inkludert telemedisinsk vaktteneste i Radio Medico.

Seksjon for hyperbarmedisin er ein poliklinikk med nasjonal behandlingsteneste for elektiv hyperbar oksygenbehandling (HBO). Paseintgruppa omfatter i hovedsak stråleskader etter kreftbehandling. Dei elektive pasientane får poliklinisk seriebehandling i trykkammer fem dagar per veke i seks veker. Poliklinikken har opningstid frå
kl 07.30 til 16.30. Vi tilbyr òg øyeblikkeleg hjelp HBO i helseregion vest og midt-Noreg for t.d. dykkarsjuke.

Norsk senter for maritim medisin og dykkemedisin er eit nasjonalt kompetansesenter ved Yrkesmedisinsk avdeling, Helse Bergen, med formål om å fremme helse mellom sjøfolk og dykkarar. Senteret driv m.a. undervisning, rådgjeving, saksbehandling, forsking, utvikling av medisinske læremiddel, regelverksarbeid, seleksjonsmedisinske utgreiingar av dykkarar og sjøfolk. I tillegg driftar senteret den norske telemedisinske legevakta for sjøfolk, Radio Medico. Vi jobbar tett med m.a. Sjøfartsdirektoratet, Forsvaret og Universitetet i Bergen, og ei rekke prosjektsamarbeid med andre offentlege, ideelle og private aktørar innan den maritime næringa i Noreg og i utlandet.

Arbeidsoppgåver

- ved Seksjon for hyperbarmedisin

• Mottak og oppfølging av elektive polikliniske pasientar i samarbeid med sjukepleiartenesta
• Operasjon av trykkammer i samarbeid med andre overlegar eller kammeroperatørar
  
• Behandling av intensivpasient på respirator i trykkammer i samarbeid med anestesilege
• Vurdering av tilvisingar

- ved Norsk senter for maritim medisin og dykkemedisin

• Deltaking i 6-delt telemedisinsk vaktteneste (Radio Medico)
• Formidling/undervisning
• Prosjektarbeid – bidra inn i innovasjonsprosjekt og kvalitetsprosjekt ved senteret
• Anna aktivitet – aktivt bidra med eigne erfaringar og kompetanse til å løyse senterets oppdrag

Arbeidsoppgåver vil kunne bli endra over tid, tilpassa senterets utvikling/behov og kompetansesamansettinga i personellgruppa.

Kvalifikasjonar

• Lege, norsk autorisasjon
• Klinisk erfaring, gjerne variert og klinisk spesialitet
• Evne til å uttrykke seg munnleg og skriftleg på både norsk og engelsk.
• Interesse for maritim sektor (sjøfart, fiskeri, oppdrett mv.) eller erfaring frå helsetenester i eit kyst-/fiskerisamfunn vil telje positivt

Ikkje-nordiske statsborgarar må minimum ha bestått Bergenstesten eller annan norsktest på B2-nivå. Dokumentasjon må leggast ved søknaden

Personlege eigenskapar

• Du er punktleg og påliteleg
• Du kommuniserer og samarbeider godt med pasientar, pårørande og kollegaer
• Du bidrar positivt til eit fagleg og kollegialt godt miljø
• Du har god fagleg vurderingsevne, arbeider målretta og strukturert

Vi tilbyr

• Ei unik moglegheit for nybrottsarbeid
• Spennande, aktivt og tverrfagleg arbeidsmiljø
• Gode moglegheiter for fagleg og personleg utvikling
• Spisskompetanse på eit lite fagfelt
• Lønn etter avtale

Mangfaldserklæring
Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.