Kort om arbeidsgiver

Lærdal sjukehus, Ortopedisk avdeling har ledig 100% fast overlegestilling ved Lærdal sjukehus.

Lærdal sjukehus er eit av 3 sjukehus i Helse Førde. Ortopedisk avdeling har aktivitet ved alle 3 sjukehusa. Ortopediske legar samarbeidar godt på tvers av lokasjonar. Ortopedisk avdeling i Helse Førde har i dag tilsaman 13 fast tilsette ortopediske spesialistar.

Lærdal er ein kommune og eit dalføre i Vestland som strekkjer seg frå Sognefjord i vest til fylksegrensa på Filefjell og Hemsedalsfjell i aust. Lærdal ligg inst ved Sognefjorden med god kommunikasjon til Oslo og Bergen. Her er fantastisk natur med flott turterreng i nærområdet, sommar som vinter. Lærdal har berømt tørt klima der deler av bygda har omtrent like mykje nedbør som Alicante og Palma, Mallorca. Lærdalsdalføret med sidedaler og dei store fjellområda byr på rike moglegheiter for jakt og fisking.

Meir informasjon om Lærdal kommune kan du lese her. Største arbeidsplassen i Lærdal kommune er Lærdal sjukehus med cirka 175 ansatte.
Ortopedisk avdeling ved Lærdal sjukehus har i dag tilbod innan følgjande område:

Knekirurgi
Hoftekirurgi
Fotkirurgi
Skulderkirurgi
Skadepoliklinikk

Klinisk erfaring og kompetanse innan desse fagfelt vil derfor vektleggast ved tilsetting. Søkjarar med annan subspesialisering innan ortopedi kan også bli vurdert.

Ortopedisk avdeling ved Lærdal sjukehus er ei avdeling med høg poliklinisk og operativ aktivitet. Stillingen inngår 8 vekers plan med heimevakt på natt med LIS1 på vakt.
På Lærdal sjukehus får du mykje ansvar og moglegheit for å utvikle deg faglig. Du får mye tid på operasjonsstova, og vi strekker oss langt for å få til kurs og faglig utvikling.

Ortopedisk sengpost har 18 senger, det er stort sett berre elektive pasientar inneliggande. Vi har svært godt opptreningsteam med god kompetanse på pleiarar og fysioterapeutar. Øyeblikkelig hjelp kirurgi føregår ved sentralsjukehuset i Førde.

Arbeidsoppgåver

Deltagelse i avdelinga si drift, postarbied, poliklinikk og operasjon.
Øyeblikkelig hjelp
Rettleiing av LIS1
Internundervisning
Administrative oppgåver
Medlem i medisinsk akutt team

Arbeide etter Helse Førde sine verdiar: Respekt i møte med pasienten, kvalitet i prosess og resultat og tryggleik for tilgjengelighet og omsorg

Kvalifikasjonar

Må ha godkjend norsk autorisasjon som spesialist
Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad (gjeld berre for helsepersonell)
Må bruke datasystema som ligg til rolla slik at faglege og juridiske krav vert varetekne
Søkjarar med høg kompetanse innan knekirurgi vert prioritert