20 % avtaleheimel i psykiatri

20 % avtaleheimel for godkjend spesialist i psykiatri er ledig frå 15.06.2023, eller etter avtale.
 
Noverande praksis er lokalisert i Haugesund.
Noverande innehavar ønskjer å trappe ned sin praksis i tråd med reglane om seniorpolitikk - avtalt mellom dei regionale helseføretaka og Den norske legeforening, jf. §12 i rammeavtalen. Det er eit formål med seniorordninga at junior skal overta heile praksisen når senior fråtrer.  
 
Det er ein føresetnad at den som vert tildelt heimelen skal drive frå same lokale som senior, i tett samarbeide med senior. Dersom det er praktisk mogeleg kan samarbeidet med senior likevel skje i andre lokale lokalisert i Helse Fonna føretaksområde. Spesialisten som overtek skal avlaste spesialisten som trapper ned, og kan ikkje arbeide i praksisen ut over den avtalte arbeidstida.
 
 
Sentrale moment i vurdering av søkjarane vil mellom anna vere:

• erfaring og praksis, medrekna erfaring som spesialist
• eigenskapar for heimelen
• innretning av praksis
• samarbeid med andre

 
Praksis skal drivast i samsvar med den til kvar tid gjeldane rammeavtale mellom Helse Vest og Den norske legeforening. Praksisen skal ha likelydande samarbeidsavtale med Helse Fonna, som senior.
 
Avtalespesialisten skal bidra til å oppfylle ”sørge for” -ansvaret til Helse Vest. Det inneber mellom anna at avtalespesialisten foretar undersøkingar, diagnostikk og behandling i medhald av regionale og nasjonale mål og prioriteringar og lovgiving, jf. punkt 4.1 i rammeavtalen.
Avtalespesialisten skal ha eit nært fagleg og forpliktande samarbeid med Helse Fonna ved Haugaland DPS om oppgåvefordeling og for å sikre rett prioritering og gode pasientforløp. Det blir i løpet av 2023 etablert ei ordning der alle tilvisingar av pasientar til  psykisk helsevern skal sendast til tilvisingsmottak ved helseføretaket ("ein-veg-inn"). Helse Vest har økt fokus på prioritering, og vil følgje opp avtalespesialistane på same måte som helseføretaka for å sikre at aktivitetane som gir størst nytte blir prioritert, og at ev. overbehandling blir redusert.
 
Plassering i driftstilskotsklasse vil bli gjenstand for drøftingar mellom Helse Vest og aktuell søkjar basert på utgifter til lokale, utstyr og naudsynt hjelpepersonell, når aktuell søkjar overtar heile avtaleheimelen. Heimelen er i dag plassert i driftstilskotsklasse 3.
 
Andre vilkår, rammer og føringar knytt til drift av praksis vil også bli gjenstand for drøftingar mellom Helse Vest og aktuell søkjar før det vert gitt tilbod om avtaleheimelen.
 
Spørsmål om praksisen kan rettast til Bjarte Stubhaug, tlf.: 95 96 54 19.  
Spørsmål om heimelen kan rettast til Helse Vest ved Torleiv Bergland, tlf. 51 96 38 22.
 
Skriftleg søknad med relevante opplysningar, CV og sannkjende kopiar av attestar og godkjenningar skal sendast til Helse Vest RHF, Postboks 303 Forus, 4066 Stavanger.