Fastlegestillingar / ALIS

Bømlo kommune søkjer fastlegar/ALIS med kontorplassering ved Bremnes legesenter og Kystlegane. Fast løn eller næringsdrift.

Bremnes legesenter med plass til 6 legar og Kystlegane med plass til 5 legar er sentralt plassert på Svortland. Kontora er moderne og velutstyrt med høgt kvalifiserte medarbeidarar.

Oppstart etter avtale. 

Arbeidsoppgåver

Me ynskjer å vere fleksible i høve tilrettelegging av dei praktiske sidene ved arbeidsforholdet slik at det best mogleg vert tilpassa din situasjon. Dette i drøftingar med deg.
For begge stillingane gjeld:

• Kommunal oppgåve etter nærare avtale med inntil 7,5 timar pr veke
• Pliktig deltaking i legevakt med omlag 3 vakter pr mnd ved Sunnhordland interkommunale legevakt, lokalisert i eige, nytt legevaktsbygg ved Stord sjukehus.

Kvalifikasjonar​​​​​​

• Lege med norsk autorisasjon.
• Spesialist i allmennmedisin eller ønskje om å starte spesialisering i allmennmedisin.
• Gjennomført LIS1 eller norsk turnusteneste.
• God skriftleg og munnleg framstillingsevne på norsk.

Ved tilsetjing er det krav om politiattest av nyare dato etter Helse og omsorgstenesteloven §5-4. 

Personlege eigenskapar

• Gode samarbeidsevner og relasjonskompetanse.
• Evne til å arbeida sjølvstendig.
• Gode kommunikasjonsevner.

Personlege eigenskapar vert vektlagt. 

Me tilbyr

• Det er inngått avtale om prosentandel av Helfo-inntekter til legar med kommunal tilsetting. 
• Godt arbeidsmiljø med fokus på fagleg utvikling gjennom internundervisning, god vegleiing og supervisjon.
• Moglegheit for ALIS avtale med tilrettelegging for spesialisering i allmennmedisin: God vegleiing frå spesialist, fri til naudsynte kurs og dekking av kursutgift.
• Bømlo Kommune har avtale med Helse Fonna om teneste i spesialisthelsetenesta som del av spesialisering i allmennmedisin.
• Moglegheit for overgang til næringsdrift etter fullført spesialisering.