Lege i spesialisering Hjartesjukdomar - vikariat

Helse Bergen, Haukeland universitetssjukehus har ledig tre vikariat i 6 månader for lege i spesialisering i Hjartesjukdomar. Vikariata er ledige frå august, men med høve til tidlegare start. Dei som blir tilsett tar del i vaktordningene på Hjarteavdelinga.

Hjarteavdelinga ved Haukeland universitetssjukehus er ei spesialavdeling der all utgreiing og behandling av hjartesjukdomar er samla. Avdelinga driv høgspesialisert utgreiing og behandling innan følgande område: Ikkje-invasiv biletdiagnostikk, invasiv koronardiagnostikk/terapi og perkutane ventilimplantasjonar, toraks-kirurgi, intensiv- og overvakingsmedisin, pacemaker-, ICD- og CRT behandling, hjartesviktpoliklinikk, tachyarytmi, preventiv kardiologi og kongenitt kardiologi. Medisinsk utvikling er framtredande, og forskingsaktiviteten er høg. Hjarteavdelinga har to store sengepostar, ei intensiv- og overvakingseining, ein stor torakskirurgisk post, eiga pacemaker-operasjonsstove, fire torakskirurgiske operasjonsstover medrekna hybridstove, tre laboratorium for koronar angiografi/PCI, to elektrofysiologilaboratorier og fleire spesialpoliklinikkar.

Vikariatet kan telje som del av spesialistutdanninga. 

Arbeidsoppgåver

• Primærvakt for Hjarteavdelinga
• Poliklinikk
• Visittgang og postdrift
• Opplæring og deltaking i ulike kardiologiske prosedyrar
• Undervisning
• Forsking/kvalitetssikring

Kvalifikasjonar

• Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggjast til grunn for tilsetting i LIS-stilling i hjartesjukdomar
• Det blir lagt vekt på erfaring innan kardiologi og ønske om å bli kardiolog
• Søkar må meistre norsk munnleg og skriftleg

Personlege eigenskapar

• Samarbeidsorientert, strukturert og løysingsorientert
• Stor arbeidskapasitet, effektiv og fleksibel
• Evne til å syne trivsel i eit aktivt og endringsorientert miljø
• Interesse for forsking

Vi tilbyr

• Løn i tråd med tariffavtale
• Konkurransedyktig pensjonsordning. Yrkesskadeforsikring, gruppelivsforsikring og tenestereiseforsikring
• Høgt fagleg nivå
• Ein arbeidsplass som er ei inkluderande arbeidsliv-bedrift (IA-bedrift)

Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.