Lege i spesialisering - Patologi

Helse Møre og Romsdal HF - Klinikk for diagnostikk - Avdeling for patologi Ålesund

Avdeling for patologi er lokalisert ved Ålesund sjukehus i  Helse Møre og Romsdal HF og er ei av fem avdelingar i Klinikk for diagnostikk.
Vi er kjent for god service med høg fagleg kompetanse innan generell patologi og har i dag fem overlegar og fire LIS-legar. Patologi leverer tenester til både spesialisthelsetenesta og primærhelsetenesta i heile Møre og Romsdal fylke, som har omlag 270 000 innbyggarar. Avdelinga har p.t. kun dagarbeid.

Patologi Ålesund har ledig eitt års vikariat for lege i spesialisering, med høve til forlenging. Oppstartdato etter nærare avtale med avdelingssjef

Attestar/tenestebevis frå tidlegare arbeidsforhold må lastast opp som vedlegg til CV/søknad

Arbeidsoppgåver

• Diagnostikk av biopsiar, operasjonspreparat og cytologiske prøver
  
• Obduksjon
  
• Avdelinga er godkjent for 4 år av LIS-utdanning i patologi

Kvalifikasjonar

• Norsk autorisasjon som lege
  
• Godkjent LIS1 eller anna teneste som er godkjent erstatning for dette.
  
• Må mestre norsk, eller eit skandinavisk språk (svensk/dansk) godt, både muntleg og skriftleg.
  
• Kunnskap og ferdigheiter innan fagfeltet blir vektlagt.
  
• Avdelinga søker ein LIS, som er interessert i, og ønsker å vere med på, oppbygginga av fagmiljøet innan patologi i Møre og Romsdal.
  
• Og gjennom det vere med på å  skape ei framifrå helseteneste for pasientane våre i eit spennande fagmiljø.

Personlege eigenskapar

• Gode samarbeidsevner
  
• Kunne arbeide sjølvstendig
  
• Vilje til å medverke til eigen og andre sin kompetanse
  
• God arbeidskapasitet
  
• Trivast i eit aktivt miljø
  
• Medverke til eit godt arbeidsmiljø
  
• Personlege eigenskapar som passar stillinga vil bli vektlagt

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår