Lege i spesialisering eller cand med, rus- og avhengigheitsmedisin

Helse Bergen, Haukeland universitetssjukehus har ledig 2 vikariat og 2 faste stillingar for lege i spesialisering i rus- og avhengigheitsmedisin. Vikariata er ledige frå omgåande og varer i første omgang i 6 månader, med stor moglegheit for forlenging og fast stilling. Vikariata kan telje som del av spesialistutdanninga. For vikariat kan Cand.med. og søkje. Vi har eit rekrutteringstillegg til LIS og Cand.med.

Haukeland universitetssjukehus, avdeling for rusmedisin er godkjend for heile utdanningsløpet i rusmedisin. Avdelinga har 10 godkjende spesialistar i rusmedisin. LIS går inn i ei rotasjonsordning med teneste ihht. spesialistkrava. Stillinga vil vere godt eigna for fastlegar som treng sjukehusåret til spesialisering i allmennmedisin.

Avdelinga tilbyr heile spekteret innan rusbehandling, og er delt inn i fleire seksjonar, m.a. døgnpostane på Askøy, Tertnes, Skuteviken, Martens, Klokkarvik og Manger. I tillegg kjem poliklinisk verksemd fordelt på LAR, med ansvar for ca 1000 pasientar, poliklinikk for unge, vaksenpoliklinikk, ambulante tenester og vurderingseining for alle tilvisingar til rusbehandling i Helse Bergen sitt nedslagsfelt. 

For fast tiletjing gjeld følgjande: Etter fullført spesialisering, vil stillinga bli omgjort til stilling som legespesialist. 

Arbeidsoppgåver

• Postarbeid og arbeid ved poliklinikk med utgreiing og behandling av samtidige ulike rus- og avhengigheitslidingar, psykiatrisk og somatisk sjukdom
• Deltaking i ansvarsgrupper med primærhelsetenesta og sosialtenesta
• Mottak, undersøking og behandling av pasientar som blir lagd inn på tvang
• Poliklinisk oppfølging av LAR pasientar
• Vaktteneste på Akuttposten

Kvalifikasjonar

• Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggjast til grunn for tilsetjing i LIS stilling i rus- og avhengigheitsmedisin
• For vikariat kan Cand.med. som ventar på å gjennomføre LIS1 kan òg søkje og vil bli vurdert dersom det ikkje er andre kvalifiserte søkjarar
• Det blir lagt vekt på relevant yrkeserfaring og klinisk erfaring
• Søkjar må meistre norsk, både munnleg og skriftleg (det er krav at ein kan dokumentere kunnskapar i norsk språk tilsvarande Bergenstesten)
• God skriftleg dokumentasjonsevne
• Akuttmedisinsk erfaring er ønskjeleg

Personlege eigenskapar

• Vi søkjer medarbeidarar som ønskjer å jobbe med pasientar med krevande og komplekse sjukdomstilstandar over tid
• Vi ønskjer legar som kan arbeide sjølvstendig, men som søkjer råd ved behov, og som kan fungere godt i ei tverrfagleg arbeidsform
• Legar i rus- og avhengigheitsmedisin bør ha interesse for eit breitt spekter av somatiske, rusmedisinske og psykiatriske sjukdomstilstandar og korleis desse verkar inn på kvarandre

Vi tilbyr

• Rettleiing av erfarne overlegar
• Variert, utfordrande og lærerik teneste
• Løn etter gjeldande tariffavtale
• Ei god pensjonsordning
• Eit rikhaldig bedriftsidrettstilbod

Mangfaldserklæring
Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.  

Utdanningsretning

• Medisin

Utdanningsnivå

• Profesjonsstudium