Kort om arbeidsgiver

Psykiatrisk klinikk er eit distriktspsykiatrisk senter for kommunane i Sunnfjord og Ytre Sogn, og har også sentralsjukehusoppgåver med akuttpost, vaksenhabilitering og tverrfagleg spesialisert ruseining. Avdelinga har 16 faste legestillingar, LIS1 og medisinstudentar vår og haust.

Mars 2021 flyttar vi inn i nybygg ved sentralsjukehuset i Førde, med 4 sengepostar, poliklinikk og Førde BUP. Rus døgn vil fortsatt vere på Tronvik. Med nærleik til Førde sentralsjukehus, sengepost ungdom (UPH) og Førde BUP, vil det vere mogleg å få all teneste som er nødvendig for å bli spesialist utan å flytte frå Førde.

Avdelinga har fleire spennande prosjekt innan forskning og utvikling. NORSE tilbakemeldingsystem er utvikla ved vår avdeling. Vi har tilsett med professorkompetanse, tilsette med doktorgrad og vi har for tida tre tilsette som held på med PhD.

Psykiatrisk klinikk har følgjande stillingar ledig:

4 x 100% fast stilling for lege i spesialisering, oppstartsdato snarast råd

Arbeidsoppgåver

Hovudoppgåva er å vurdere, diagnostisere og behandle tilviste pasientar
Den som vert tilsett må ventast å ta del i utvikling av fagtilbodet ved avdelinga
Delta i vaktordning på Psykiatrisk klinikk sine einingar og sengepost for barn og ungdom (UPH)
Ein må pårekne å gjere teneste ved sengepostar og poliklinikk etter dei behov avdelinga har

Kvalifikasjonar

Norsk autorisasjon som lege
Gode språkkunnskapar, både skriftlege og munnlege, er heilt avgjerande for forsvarleg pasienthandsaming. Ikkje-nordiske statsborgarar må minimum ha bestått Bergenstesten, eller annan norsktest på B2-nivå. Dokumentasjon må leggjast ved søknad (gjeld berre for helsepersonell)
Søkjar må ha førerkort i klasse B
Ferdig med LIS1 teneste. Søkjar utan LIS1, men med relevant praksis kan vurderast til vikariat

Personlege eigenskapar

Du har motivasjon og interesse for fagfeltet
Du kommuniserar og samarbeider godt med pasientar, pårørande og kollegaer
Du har god fagleg vurderingsevne, arbeider målretta og toler å stå i krevjande situasjonar

Vi tilbyr

Løn i samsvar med gjeldande overeinskomst
Gode pensjons- og forsikringsordningar
Eit aktivt og triveleg arbeidsmiljø
Høgt fagleg nivå
Fagleg og personleg utvikling
Godt utbygde IT tenester. Vi brukar pasientsystemet Dips
Vi dekker flyttekostnadar
Etter nærare avtale kan vi vere behjelpelig med å skaffe bustad og dekke utgifter til bustad for inntil eit år for søkjer som er kvalifisert til å starte som LIS3