Institusjonslege

Suldal kommune har ledige stilling som institusjonslege 80 % f.o.m. 01.02.20. Det er per i dag ein sjukeheim med plass til 39 brukarar. 22 plassar til demensavdeling, og psykiske lidingar. Somatisk avdeling har plass til 18 pasientar. Eit rom i eiga avdeling blir nytta til lindrande behandling, og eit til øyeblikkelig hjelp. Demenspasientar vil få et nytt botilbod i løpet av nokre år, og eit demenssenter er under planlegging.

Stillinga er organisert under eining helse. Helseavdelinga i Suldal har eit ungt og framoverlent arbeidsmiljø og me kan tilby gode arbeids- og lønsforhold.

I vår kommune kan du kombinere ein periodevis hektisk jobb med eit kvardagsliv som gir deg rom for å kople av både i naturen og i det urbane miljø.

Suldal er ein del av Ryfylkeregionen og ligg nordaust i Rogaland, med om lag 3800 mennesker. Kommunen har eit godt og allsidig tenestetilbod. Det regionale kulturhuset for indre Ryfylke ligg i kommunesenteret Sand, samt eit regionalt idrettsanlegg og Suldalshallen.